ທ່ານຫວາງເກິ່ງໜຽນ ຜູ້ອຳນວຍການໃຫຍ່ວິທະຍຸສາກົນແຫ່ງປະເທດຈີນ ຫຼື CRI ໄດ້ພົບປະກັບທ່ານນາງຊີນາ ຣຸສຕາໂມວາ ເອກອັກຄະລັດຖະທູດຕວກເມນິສຖານພ້ອມດ້ວຍຄະນະ ຢູ່ນະຄອນຫຼວງປັກກິ່ງໃນວັນທີ 25 ພຶດສະພານີ້.
ໃນການພົບປະດັ່ງກ່າວ, ສອງຝ່າຍໄດ້ຫວນຄືນປະຫວັດສາດການພົວພັນກັນຢ່າງມີໄມຕີຈິດມິດຕະພາບລະຫວ່າງສອງປະເທດ, ຂະນະທີ່ສອງຝ່າຍໄດ້ຢືນຢັນວ່າຄວນຖືເອົາການດຳເນີນຂໍ້ລິເລີ່ມຮ່ວມມື "ໜຶ່ງແລວທາງໜຶ່ງເສັ້ນທາງຂອງຈີນເປັນໂອກາດ, ເພີ່ມທະວີການຮ່ວມມືລະຫວ່າງສື່ມວນຊົນຂອງສອງປະເທດ, ຊຸກຍູ້ໃຫ້ປະຊາຊົນສອງປະເທດມີຄວາມເຂົ້າໃຈຍິ່ງຂຶ້ນ ແລະຮັດແໜ້ນສາຍພົວພັນມິດຕະພາບລະຫວ່າງສອງຝ່າຍ.
ທ່ານນາງຊີນາ ຣຸສຕາໂມວາ ກ່າວວ່າ: ຕວກເມນິສຖານໃຫ້ຄວາມສຳຄັນຫຼາຍຕໍ່ການເພີ່ມທະວີການຮ່ວມມືກັບສື່ມວນຊົນຈີນ, ຂະນະທີ່ CRI ກໍມີຄວາມສາມາດສູງສົມຄວນໃນການກະຈາຍສຽງຢູ່ເຂດອາຊີກາງ ໂດຍໄດ້ຮັບຄວາມສົນໃຈແລະນິຍົມຫຼາຍທີ່ສຸດຈາກບຸກຄົນໃນວົງການຕ່າງໆ. ໂອກາດດັ່ງກ່າວ, ທ່ານເອກອັກຄະລັດຖະທູດ ໄດ້ສະເໜີ CRI ສ້າງສຳນັກງານນັກຂ່າວຢູ່ນະຄອນຫຼວງອັສຄາບັດຢູ່ປະເທດຕົນໂດຍໄວ ພ້ອມທັງຈະເພີ່ມທະວີການຮ່ວມມືກັບ CRI ໃນຂົງເຂດຕ່າງໆ.