ເວທີປຶກສາຫາລືການຮ່ວມມືດ້ານເສດຖະກິດທົ່ວອ່າວໄປ໋ປູ້ຄັ້ງທີ 9 ໄດ້ຈັດຂຶ້ນຢູ່ເມືອງໜານໜິງ ເທດສະບານເຂດກວາງຊີໃນວັນທີ 26 ພຶດສະພານີ້ ໂດຍມີຫົວຂໍ້ວ່າ "ເກາະແຂນຮ່ວມມືກັນທົ່ວອ່າວໄປ໋ປູ້, ຮ່ວມສ້າງໜຶ່ງແລວທາງໜຶ່ງເສັ້ນທາງ" ເຊິ່ງເຈົ້າໜ້າທີ່ທີ່ກ່ຽວຂ້ອງ ແລະ ນັກວິຊາການສອງຝ່າຍທີ່ເຂົ້າຮ່ວມກອງປະຊຸມຈະຄົ້ນຄວ້າແລະປຶກສາຫາລືການເຊື່ອມຈອດທາງບົກຈີນ-ອາຊຽນ, ການຮ່ວມມືການລົງທຶນສາກົນໃນຂົງເຂດຄວາມສາມາດການຜະລິດຂອງຕົວເມືອງຢູ່ຕາມເສັ້ນທາງ ແລະອື່ນໆ.
ຂະນະທີ່ເມື່ອບໍ່ດົນຜ່ານມາ, ທ່ານກູສຽວຊົ່ງ ຮອງປະທານສະມາຄົມຄົ້ນຄວ້າອາຊີໃຕ້ຈີນ ໄດ້ໃຫ້ສຳພາດຕໍ່ນັກຂ່າວວ່າ: ຄຽງຄູ່ກັບການຮ່ວມມືດ້ານເສດຖະກິດແລະການແລກປ່ຽນວັດທະນະທຳລະຫວ່າງຈີນແລະອາຊຽນໄດ້ພັດທະນາໄວຂຶ້ນ, ການຮ່ວມມືດ້ານເສດຖະກິດທົ່ວອ່າວໄປ໋ປູ້ໃນຖານະເປັນການຮ່ວມມືທີ່ສຳຄັນລະຫວ່າງຈີນແລະອະນຸພາກພື້ນອາຊຽນກໍນັບມື້ພົ້ນເດັ່ນຂຶ້ນ. ແນວໃດກໍດີ, ອີກ 10 ປີຂ້າງໜ້າ, ການຮ່ວມມືທົ່ວອ່າວໄປ໋ປູ້ ຄວນກຳແໜ້ນໂອກາດ "ໜຶ່ງແລວທາງໜຶ່ງເສັ້ນທາງ", ຊຸກຍູ້ການຮ່ວມມືໃນພາກພື້ນໃຫ້ພັດທະນາເຂົ້າສູ່ລວງເລິກ, ປັບປຸງການເຊື່ອມຈອດ, ການຈໍລະຈອນສິນຄ້າຕາມທ່າເຮືອຕ່າງໆ, ການກໍ່ສ້າງດ່ານ, ການທ່ອງທ່ຽວຂ້າມແດນ ພາຍໃນພາກພື້ນ ແລະອື່ນໆ ພ້ອມທັງຍົກລະດັບການຮ່ວມມືໃນພາກພື້ນໃຫ້ສູງຂຶ້ນອີກ.