ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນ ກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 25 ພຶດສະພານີ້ວ່າ, ອົງການຮ່ວມມືຊຽງໄຮສະໜັບສະໜູນຫຼັກໝັ້ນຂອງຈີນໃນບັນຫາທະເລຈີນໃຕ້ ເຊິ່ງສະແດງໃຫ້ເຫັນເຖິງຄວາມຄຶດເຫັນທີ່ພາວະວິໄສແລະຍຸຕິທຳຂອງປະຊາຄົມໂລກ.
ທ່ານກ່າວວ່າ: "ພວກຂ້າພະເຈົ້າເຫັນວ່າ, ຫຼັກໝັ້ນຂອງອົງການຮ່ວມມືຊຽງໄຮ ສອດຄ່ອງກັບກາລະເທສະ, ສ່ອງແສງໃຫ້ເຫັນເຖິງຄວາມຄຶດເຫັນທີ່ພາວະວິໄສແລະຍຸຕິທຳຂອງປະຊາຄົມໂລກຕໍ່ບັນຫາທີ່ກ່ຽວຂ້ອງ ທັງສອດຄ່ອງກັບຂໍ້ຕົກລົງສອງຝ່າຍແລະພາກພື້ນກ່ຽວກັບການແກ້ໄຂບັນຫາທະເລຈີນໃຕ້ທີ່ຈີນແລະປະເທດທີ່ກ່ຽວຂ້ອງໄດ້ຕົກລົງກັນ ກໍຄືສອດຄ່ອງກັບການປະຕິບັດຕົວຈິງທີ່ສະເໝີຕົ້ນສະເໝີປາຍຂອງບັນດາປະເທດທີ່ແກ້ໄຂຂໍ້ວິວາດກັນຜ່ານການເຈລະຈາກັນ ແລະສະແດງໃຫ້ເຫັນເຖິງນ້ຳໃຈການປົກຄອງດ້ວຍກົດໝາຍສາກົນຢ່າງແທ້ຈິງ.