ວັນທີ 26 ພຶດສະພານີ້, ກອງປະຊຸມລັດຖະມົນຕີກະຊວງສຶກສາທິການອາຊຽນ-ຈີນ,ຍີ່ປຸ່ນ, ສ ເກົາຫຼີຫຼື 10+3 ຄັ້ງທີ 3 ໄດ້ໄຂຂຶ້ນຢູ່ນະຄອນຫຼວງກົວລາລຳເປີປະເທດມາເລເຊຍ, ໂດຍລັດຖະມົນຕີກະຊວງສຶກສາທິການຈີນ, ຍີ່ປຸ່ນ, ສ ເກົາຫຼີແລະ 10 ປະເທດອາຊຽນເຂົ້າຮ່ວມ.
ປະເທດຕ່າງໆທີ່ເຂົ້າຮ່ວມກອງປະຊຸມໄດ້ຫວນຄືນຜົນສຳເລັດຂອງການຮ່ວມມືລະຫວ່າງອາຊຽນກັບຈີນ,ຍີ່ປຸ່ນແລະສເກົາຫຼີໃນຂົງເຂດການສຶກສາສອງປີຜ່ານມາ, ຂະນະດຽວກັນກອງປະຊຸມກໍໄດ້ພິຈາລະນາແລະຮັບຮອງເອົາ "ຖະແຫຼງການຮ່ວມລັດຖະມົນຕີກະຊວງສຶກສາທິການອາຊຽນ-ຈີນ,ຍີ່ປຸ່ນແລະສເກົາຫຼີຄັ້ງທີ 3". ໂດຍຖະແຫຼງການຊີ້ໃຫ້ເຫັນວ່າ, ກອງປະຊຸມລັດຖະມົນຕີກະຊວງສຶກສາທິການ 10+3ໄດ້ເສີມຂະຫຍາຍບົດບາດຢ່າງສ້າງສັນເພື່ອຊຸກຍູ້ການແລກປ່ຽນແລະຮ່ວມກັນພັດທະນາການສຶກສາອາຊີ, ທັງຮຽກຮ້ອງໃຫ້ບັນດາປະເທດສ້າງສາຍພົວພັນປະສານສົມທົບໃກ້ຊິດກວ່າເກົ່າ, ເປີດກວ້າງຂະໜາດແລກປ່ຽນດ້ານການສຶກສາຢ່າງບໍ່ຢຸດຢັ້ງ, ພະຍາຍາມສ້າງຈຸດເດັ່ນໃໝ່ດ້ານການຮ່ວມມືການສຶກສາ, ແລະປະກອບສ່ວນແລກປ່ຽນວັດທະນະທຳພາຍໃນພາກພື້ນໃຫ້ຫຼາຍກວ່າເກົ່າ.
ໃນຕອນທ້າຍ, ກອງປະຊຸມໄດ້ຕົກລົງຈັດກອງປະຊຸມລັດຖະມົນຕີກະຊວງສຶກສາທິການ 10 +3 ຄັ້ງທີ 4 ຢູ່ມຽນມາໃນປີ 2018.