ຜູ້ອຳນວຍການໂຮງຮຽນຈີນຂອງບັນດາປະເທດຊຽນຖອດຖອນບົດຮຽນໃນການຄຸ້ມຄອງບໍລິຫານໂຮງຮຽນຢູ່ທີ່ເຂດກວາງຊີຈີນ
2016-05-29 16:04:47 cri
ວັນທີ 28 ພຶດສະພານີ້ ໄດ້ເປີດຊຸດອົບຮົມຂອງຜູ້ອຳນວຍການໂຮງຮຽນຈີນຂອງບັນດາປະເທດອາຊຽນປີ 2016 ຢູ່ທີ່ໂຮງຮຽນຊາວຈີນຕ່າງດ້າວເຂດກວາງຊີຂອງຈີນ, ຜູູ້ອຳນວຍການໂຮງຮຽນຈີນຂອງບັນດາປະເທດອາຊຽນທັງໝົດ 64 ທ່ານຈະຮັບການຝຶກອົບຮົມກ່ຽວກັບວັດທະນະທຳຈີນແລະວິທີສິດສອນວັດທະນະທຳຈີນຢ່າງເປັນລະບົບຢູ່ແຫ່ງນີ້ເປັນເວລາ 10 ວັນ.
ໃນພິທີເປີດຊຸດອົບຮົມ, ທ່ານສິນຊຸນເສິງ ຫົວໜ້າຫ້ອງການວຽກງານຊາວຈີນຕ່າງດ້າວຂອງເຂດກວາງຊີໄດ້ກ່າວຄຳເຫັນ ໂດຍກ່າວວ່າ, ຜູ້ອຳນວຍການໂຮງຮຽນຈີນແມ່ນບຸກຄົນຜູ້ສຳຄັນໃນການເຜີຍແຜ່ວັດທະນະທຳຈີນ, ຫວັງວ່າບັນດາຜູ້ອຳນວຍການຕ່າງໆຈົ່ງຖືການຝຶກອົບຮົມເທື່ອນີ້ເປັນຈຸດເລີ່ມຕົ້ນອັນໃໝ່, ເພື່ອຍົກສະຕິການສ້າງສາໂຮງຮຽນຈີນໃຫ້ສູງຂຶ້ນ, ເພີ່ມຄວາມຮູ້ດ້ານວິຊາການ, ປະກອບສ່ວນຫຼາຍກວ່າເກົ່າເຂົ້າໃນການແລກປ່ຽນດ້ານວັດທະນະທຳລະຫວ່າງຈີນກັບຕ່າງປະເທດ.
ໂຮງຮຽນຫຼຽວໂຕ້ແມ່ນໂຮງຮຽນຈີນທີ່ມີຂະໜາດໃຫຍ່ທີ່ສຸດຂອງ ສປປ ລາວ, ໃນເວລາໃຫ້ສຳພາດຕໍ່ນັກຂ່າວ, ທ່ານນາງເສີນຈູ ຮອງອຳນວຍການຂອງໂຮງຮຽນຫຼຽວໂຕ້ກ່າວວ່າ, ນີ້ຄືໂອກາດທີ່ຫາຍາກທີ່ສາມາດປຶກສາຫາລືກ່ຽວກັບສະພາບການປັດຈຸບັນກໍ່ຄືພາບອະນາຄົດຂອງການສຶກສາກພາສາຈີນໂດຍຮ່ວມກັບບັນດາວິຊາການໃນວົງການການສຶກສາ ແລະຄູສອນຜູ້ດີເດັ່ນຂອງໂຮງຮຽນທີ່ມີຊື່ສຽງຕ່າງໆ. ທ່ານກ່າວວ່າ ທ່ານຈະລົງເລິການຮຽນ, ເພື່ອຍົກລະດັບຄຸນນະພາບການສຶກສາຂອງໂຮງຮຽນໃຫ້ສູງຂຶ້ນ, ແລະຊຸກຍູ້ການສຶກສາພາສາຈີນຂອງປະເທດລາວພັດທະນາກ້າວໄປໜ້າ.