ວັນທີ 1 ມິຖຸນານີ້, ທ່ານເຕບັນ, ລັດຖະມົນຕີກະຊວງປ້ອງກັນປະເທດກຳປູເຈຍກ່າວວ່າ, ການແກ້ໄຂບັນຫາທະເລຈີນໃຕ້ຄວນໃຫ້ຝ່າຍຕ່າງໆທີ່ກ່ຽວຂ້ອງເຈລະຈາໂດຍສັນຕິ, ແລະກຳລັງພາຍນອກບໍ່ຄວນເຂົ້າແຊກແຊງບັນຫາດັ່ງກ່າວ.
ພາຍຫຼັງພົບປະກັບທ່ານໂງຊວນລີ, ລັດຖະມົນຕີກະຊວງປ້ອງກັນປະເທດຫວຽດນາມທີ່ ຢ້ຽມຢາມກຳປູເຈຍນັ້ນ, ທ່ານເຕບັນກ່າວຕໍ່ນັກຂ່າວວ່າ, "ຫຼັກໝັ້ນຂອງກຳປູເຈຍແມ່ນຈະແຈ້ງທີ່ສຸດ, ພວກຂ້າພະເຈົ້າຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງໃນບັນຫາທະເລຈີນໃຕ້ດຳເນີນການເຈລະຈາໂດຍສັນຕິ, ເຊິ່ງຄົນນອກບໍ່ຄວນເຂົ້າແຊກບັນຫາດັ່ງກ່າວ."
ທ່ານເຕບັນກ່າວວ່າ, ໃນໄລຍະກອງປະຊຸມລັດຖະມົນຕີປ້ອງກັນປະເທດອາຊຽນແລະກອງປະຊຸມລັດຖະມົນຕີປ້ອງກັນປະເທດອາຊຽນ-ຈີນບໍ່ເປັນທາງການທີ່ຈັດຂຶ້ນຢູ່ລາວໃນອາທິດຜ່ານມາ, ລັດຖະມົນຕີປ້ອງກັນປະເທດແຕ່ລະປະເທດປະຊຸມລ້ວນແຕ່ເຫັນດີໃຫ້ບັນດາຝ່າຍທີ່ກ່ຽວຂ້ອງຄວນປະຕິບັດຕາມ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢ່າງແທ້ຈິງ, ເພື່ອບັນລຸ "ມາດຖານການກະທຳຢູ່ທະເລຈີນໃຕ້" ໂດຍໄວ.
 |
