ຫວ່າງມໍ່ໆມານີ້ໃນໂອກາດໃຫ້ສຳພາດຕໍ່ນັກຂ່າວ, ໂດຍສະເພາະຕໍ່ສະຖານະການທະເລຈີນໃຕ້ນັ້ນ, ທ່ານບອບ ຄາເອີ, ອະດີດລັດຖະມົນຕີການຕ່າງປະເທດອົສຕຼາລີກ່າວວ່າ, ສິ່ງທີ່ພວກເຮົາຕ້ອງການນັ້ນຄືຄວາມອົດທົນແລະການໃຊ້ສະຕິປັນຍາ, ຂະນະດຽວກັນກໍຄວນຢຸດຄວາມຄິດທີ່ຈ້າງເອົາບັນຫາທະເລຈີນໃຕ້ຈະຂົ່ມຂູ່ຕໍ່ການແລ່ນເຮືອຢ່າງເສລີເພື່ອໃຊ້ການທະຫານກວດກາລາດຕະເວນ.
ທ່ານບອບອະທິບາຍວ່າ, ເຮືອສ່ວນຫຼາຍທີ່ຜ່ານທະເລຈີນໃຕ້ແລະໄປເຖິງທ່າກຳປັ່ນຂອງຈີນລ້ວນແຕ່ບັນທຸກອາຫານ, ວັດຖຸດິບແລະພະລັງງານ, ຂະນະທີ່ເຮືອທີ່ແລ່ນອອກຈາກທ່າກຳປັ່ນຂອງຈີນ, ກໍໄດ້ຂົນສົ່ງຜະລິດຕະພັນຈີນໄປແຫ່ງຕ່າງໆຂອງໂລກ. ສະນັ້ນ, ການແລ່ນເຮືອຢ່າງເສລີບໍ່ໄດ້ຖືກຂົ່ມຂູ່.
ທ່ານບອບເຫັນວ່າວິທີແກ້ໄຂບັນຫາທະເລຈີນໃຕ້ກໍຄືຝ່າຍຕ່າງໆຮ່ວມກັນພັດທະນາທະເລຈີນໃຕ້, ຫາກບໍ່ແມ່ນຫັນທະເລຈີນໃຕ້ມາສູ່ຮູບແບບການທະຫານ, ປະເທດຢູເຂດທະເລຈີນໃຕ້ຄວນເພີ່ມທະວີການຮ່ວມມືໃນການປະມົງແລະການອະນຸລັກສິ່ງແວດລ້ອມ, ເພື່ອສ້າງຄວາມໄວ້ເນື້ອເຊື່ອໃຈຕໍ່ກັນ.