ທ່ານເລສເລຍ ຟົງ, ອະດີດຮອງຜູ້ອຳນວຍການໃຫຍ່ບໍລິຫານງານລະດັບສູງຂອງກຸ່ມບໍ ລິສັດຄຸມຫຸ້ນຂະແໜງການໜັງສືພິມສິງກະໂປ
ຫຼື SPH ທັງເປັນອະດີດ ບັນນາທິການໃຫຍ່ຂອງ "ໜັງສືພິມ Straits Times" ໄດ້ຂຽນບົດຄວາມ, ໂດຍໄດ້ຕິຕຽນການກະທຳຂອງ
ກຳປັ່ນຂັບໄລ່ຂອງອາເມລິກາທີ່ເດີນເຮືອເຂົ້າສູ່ທະເລຈີນໃຕ້ຫວ່າງມໍ່ໆມານີ້ ແລະກ່າວວ່າ "ນີ້ແມ່ນເສລີພາບແຫ່ງການເດີນເຮືອ". ບົດ
ຄວາມຂຽນວ່າ, ຈຸດປະສົງຂອງການກະທຳຕ່າງໆຂອງອາເມລິກາຢູ່ທະເລຈີນໃຕ້ເພື່ອຂັດຂວາງການເຕີບໂຕຂຶ້ນຂອງຈີນ, ແລະສະກັດ
ກັ້ນບໍ່ໃຫ້ຈີນທ້າທາຍຖານະການປົກຄອງຂອງອາເມລິກາ.
ບົດຄວາມດັ່ງກ່າວທີ່ພາດຫົວເລື່ອງວ່າ "ການເດີນເຮືອຢ່າງເສລີຂອງອາເມລິກາ: ແມ່ນສົມເຫດສົມຜົນຫຼືມະຫາອຳນາດ?" ແມ່ນຂຽນເປັນ
ຈົດໝາຍ, ທ່ານເລສເລຍແຕ່ງເລື່ອງວ່າ: ນາງໂອເບກອງ, ລູກສາວຂອງຊາວປະມົງໄຕ້ຫວັນຂອງຈີນໄດ້ຂຽນຈົດໝາຍໄປຍັງທ່ານຮາຣີ
ຮາຣິສ, ຜູ້ບັນຊາການຂອງກອງບັນຊາການປາຊີຟິກ ຂອງອາເມລິກາກ່ຽວກັບກຳປັ່ນອາເມລິກາເດີນເຮືອເຂົ້າສູ່ທະເລຈີນໃຕ້, ຈົດໝາຍ
ນີ້ຍັງສົ່ງໄປຍັງທ່ານອາສຕັນ ກາເຕີ, ລັດຖະມົນຕີກະຊວງປ້ອງກັນປະເທດອາເມລິກາແລະທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນ
ພ້ອມກັນ. ຈົດໝາຍດັ່ງກ່າວນີ້ໄດ້ສຽດສີອາເມລິກາທີ່ເອົາການເດີນເຮືອຢ່າງເສລີເປັນຂໍ້ອ້າງເພື່ອອວດອ້າງກຳລັງອາວຸດຕໍ່ຈີນ.
ບົດຄວາມໄດ້ຕິຕຽນ "ການເດີນເຮືອຢ່າງເສລີ"ເທື່ອແລ້ວເທື່ອອີກຂອງອາເມລິກາ ຢູ່ທະເລຈີນໃຕ້, ແລະຂຽນວ່າ ນີ້ແມ່ນເອົາຊີວິດຂອງ
ລູກເຮືອມາສ່ຽງໄພ. ອາເມລິກາທ້າທາຍເກາະຜິດຕໍ່ຈີນຄັ້ງແລ້ວຄັ້ງອີດເໝືອນດັ່ງການຫຼິ້ນໄຟ. ຖ້າວ່າສະຖານະການບໍ່ສາມາດຄວບຄຸມ
ໄດ້, ຝ່າຍຕ່າງໆໃນພາກພື້ນນີ້ກໍ່ຈະຮັບຜົນຮ້າຍ. ບົດຄວາມຍັງຖຽນວ່າ: "ອາເມລິກາບໍ່ມີສິດຊອບທຳຢູ່ແຫ່ງນີ້, ແຕ່ເປັນຫຍັງພວກຂ້າພະ
ເຈົ້າຕ້ອງຮັບຜົນເສຍຫາຍຍ້ອນມັນ?"
ບົດຄວາມລະບຸວ່າ, ອາເມລິກາບໍ່ສາມາດຍົກຕົວຢ່າງວ່າຈີນໄດ້ປະຕິເສດ "ສິດເດີນເຮືອຢ່າງເສລີ" ຂອງຝ່າຍໃດໆ, ກໍບໍ່ສາມາດຊີ້ອອກວ່າການສະແດງທ່າທີໃດໆຂອງປັກກິ່ງໄດ້ຂົ່ມຂູ່ເຖິງສິດເສລີພາບດ້ານການເດີນເຮືອຂອງປະເທດອື່ນໆ. ວໍຊິງຕັນໄດ້ຫຼີກເວັ້ນບໍ່ເວົ້າກ່ຽວກັບເລື່ອງນີ້, ຂະນະດຽວກັນນັ້ນຍຶດໝັ້ນບໍ່ໃຫ້ຈີນປົກປັກຮັກສາສິດຜົນປະໂຫຍດຂອງຕົນຢູ່ທະເລຈີນໃຕ້.
ບົດຄວາມໄດ້ຕອບໂຕ້ຄວາມເວົ້າກ່ຽວກັບ "ຈີນສ້າງສະໜາມບິນແລະສິ່ງກໍ່ສ້າງອື່ນໆແມ່ນຫັນເປັນແບບການທະຫານ, ແລະໄດ້ຂົ່ມຂູ່ເຖິງປະເທດອື່ນໆຢູ່ພາກພື້ນດັ່ງກ່າວ", ແລະໄດ້ຖາມຜູ້ບັນຊາການໃຫຍ່ຂອງກອງບັນຊາການມະຫາສະມຸດປາຊີຟິກອາເມລິກາວ່າ, ອາເມລິກາໄດ້ນຳໃຊ້ຄ້າຍທະຫານຫຼືສິ່ງກໍ່ສ້າງການທະຫານປະມານ 800 ແຫ່ງຢູ່ 60 ກວ່າປະເທດໃນໂລກ, ຍິ່ງກວ່ານັ້ນ, ບາງຄ້າຍທະຫານໄດ້ຕັ້ງຢູ່ໜ້າປະຕູຂອງຈີນໂດຍກົງ. ໃນຈົດໝາຍດັ່ງກ່າວໄດ້ເວົ້າສຽດສີຕໍ່ທ່ານຮາຣິ ຮາຣິສວ່າ: "ທ່ານຈັ່ງແມ່ນເສດຖີແທ້ໆ! "
ບົດຄວາມລະບຸວ່າ, ອາເມລິກາບໍ່ລື້ງເຄີຍຮັບຮອງວ່າຕົນເອງໄດ້ກະທຳຜິດຫຼືວ່າຮັບຮອງຕົນເອງອາດຈະກະທຳຜິດ, ອາເມລິກາພຽງຮັບຮອງວ່າມະຫາອຳນາດເປັນຄວາມທຳເທົ່ານັ້ນ. ສະນັ້ນ, ຂໍໃຫ້ອາເມລິກາຢ່າເວົ້າຫຼັກການແລະກົດໝາຍສາກົນທີ່ສູງສົ່ງອີກແລ້ວ."
