ເສັ້ນຂີດຕໍ່ຢູ່ທະເລຈີນໃຕ້ແມ່ນຫຍັງ ແລະ ເປັນຫຍັງຈຶ່ງເປັນເສັ້ນຂີດຕໍ່?
2016-06-06 16:38:55 cri
ເມື່ອເດືອນກຸມພາປີ 1948, ລັດຖະບານຈີນໃນສະໄໝນັ້ນໄດ້ປະກາດແຜນທີ່ທີ່ຕັ້ງຂອງເກາະດອນຕ່າງໆໃນທະເລຈີນໃຕ້ ເຊິ່ງເປັນແຜນທີ່ປະກອບໃນແຜນທີ່ການປົກຄອງສາທາລະນະລັດຈີນ ໂດຍໄດ້ຂີດແບ່ງຊາຍແດນປະເທດຈີນເປັນເສັ້ນຂີດຕໍ່ 11 ຕອນ ໂດຍໄດ້ກຳນົດເອົາເຂດທະເລໃນບໍລິເວນພາກຕາເວັນຕົກເລີ່ມແຕ່ປາກແມ່ນ້ຳໄປ໋ລຸນ, ພາກໃຕ້ໄປເຖິງຫີນໂສໂຄກເຈິງມູ໋ ແລະພາກຕາເວັນອອກໄປເຖິງພາກຕາເວັນອອກສຽງເໜືອຂອງເກາະໄຕ້ຫວັນ ເປັນຂອງປະເທດຈີນ ພ້ອມທັງໝາຍ "ສາທາລະນະລັດຈີນ" ໃສ່ເຂດທະເລດັ່ງກ່າວ. ດັ່ງນັ້ນ, ເສັ້ນຊາຍແດນຂອງເຂດທະເລນີ້ຈຶ່ງເປັນເສັ້ນຂີດຕໍ່ທີ່ເຫັນດັ່ງໃນປັດຈຸບັນ ແລະເປັນຂີດໝາຍສະແດງໃຫ້ເຫັນເຖິງຈີນມີສິດອະທິປະໄຕເໜືອເກາະດອນຕ່າງໆໃນທະເລຈີນໃຕ້ ພ້ອມທັງຂອບເຂດສິດແລະຜົນປະໂຫຍດທາງທະເລທີ່ກ່ຽວຂ້ອງຂອງຈີນ. ຈາກນັ້ນຫຼາຍປີຜ່ານມາ, ການຢູ່ຄົງຕົວແລະຖານະທາງກົດໝາຍຂອງຊາຍແດນເສັ້ນຂີດຕໍ່ຢູ່ທະເລຈີນໃຕ້ຂອງຈີນ ບໍ່ໄດ້ຖືກສົງໄສແລະທ້າທາຍຈາກປະເທດອື່ນແຕ່ປະການໃດ. ການຂີດເສັ້ນຂີດຕໍ່ຢູ່ທະເລຈີນໃຕ້ກໍເພື່ອຢ້ຳຄືນອະທິປະໄຕແລະສິດທີ່ກ່ຽວຂ້ອງຂອງຈີນ, ຫາກບໍ່ແມ່ນຂີດແບ່ງເສັ້ນຂີດຕໍ່ເຫຼົ່ານີ້ແລ້ວຈີນຈຶ່ງມີອະທິປະໄຕແລະສິດທີ່ກ່ຽວຂ້ອງ.