ການສຳຫຼວດທີ່ສາມາດຢັ້ງຢືນອະທິປະໄຕຕໍ່ເກາະດອນຕ່າງໆໃນທະເລຈີນໃຕ້ທີ່ຊົງອິດທິພົນທີ່ສຸດໃນສະໄໝບູຮານຂອງຈີນແມ່ນຫຍັງ?
2016-06-07 16:49:36 cri
ແມ່ນ "ການວັດແທກທົ່ວປະເທດ" ໃນລາຊະວົງຢວນ. ປີ 1279 ເພື່ອກຳນົດຈັນທະຄະຕິໃໝ່, ສົມເດັດ ຮູປີເລ ຮ່ອງເຕ້ສື້ຈູລາຊະວົງຢວນໄດ້ສັ່ງໃຫ້ທ່ານ ກົ່ວໂສຈິ້ງ ນັກດາລາສາດໄປດຳເນີນ "ການວັດແທກທົ່ວປະເທດ". ຕາມການບັນທຶກໃນ "ປະຫວັດສາດລາຊະວົງຢວນ", ທ່ານ ກົ່ວໂສຈິ້ງ ໄດ້ເລືອກບ່ອນວັດແທກພາກໃຕ້ຢູ່ເສັ້ນຂະໜານທີ 14,47 ອົງສາເໜືອ. ເນື່ອງຈາກວ່າວິທີວິທະຍາສາດເຕັກນິກໃນສະໄໝນັ້ນມີຈຳກັດ, ຈຸດວັດແທກທີ່ທ່ານ ກົ່ວໂສຈິ້ງ ເລືອກນັ້ນ ສ່ວນຫຼາຍຜິດໂຕນກັນປະມານ 1 ອົງສາ. ສະນັ້ນ, ເມື່ອບວກເສັ້ນຂະໜານທີ 14,47 ອົງສາເໜືອກັບ 1 ອົງສາ ກໍແມ່ນໝູ່ເກາະຊີ່ຊ່ານັ້ນເອງ. ການທີ່ລາຊະວົງຢວນຕັ້ງຈຸດວັດແທກດາລາສາດຢູ່ໝູ່ເກາະຊີ່ຊ່ານັ້ນ ສະແດງໃຫ້ເຫັນວ່າ ຈີນໄດ້ປົກຄອງເກາະດອນຕ່າງໆໃນທະເລຈີນໃຕ້ຢ່າງຈິງຈັງ.