ວັນທີ 9 ມິຖຸນານີ້, ມະຫາວິທະຍາໄລແຫ່ງຊາດຮາໂນ້ຍຂອງຫວຽດນາມໄດ້ສ້າງສະຖາບັນຄົ້ນຄວ້າປະເທດຈີນ, ເພື່ອເພີ່ມຄວາມເຂົ້າໃຈຕໍ່ປະເທດຈີນແລະຊຸກຍູ້ປັບປຸງສາຍພົວພັນການຮ່ວມມືຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ.
ໃນໂອກາດກ່າວຄຳປາໄສໃນພິທີສ້າງສະຖາບັນຄົ້ນຄວ້າ, ທ່ານຟຸງຊວນງ່າ, ລັດຖະມົນຕີກະຊວງສຶກສາອົບຮົມຫວຽດນາມທັງເປັນອະທິການບໍດີຂອງມະຫາວິທະຍາໄລແຫ່ງຊາດຮາໂນ້ຍກ່າວວ່າ, ໂຄງການຄົ້ນຄວ້າທຳອິດຂອງສະຖາບັນຄົ້ນຄວ້າແມ່ນບົດບາດຊີ້ແຈງຂອງບົດຮຽນການປະຕິຮູບດ້ານການສຶກສາຂອງຈີນຕໍ່ຫວຽດນາມ, ຫວັງວ່າໝາກຜົນຄົ້ນຄວ້າສາມາດຊ່ວຍເຫຼືອການພັດທະນາຂອງໂຮງຮຽນຊັ້ນສູງຂອງຫວຽດນາມ. ທ່ານຊ້າຍກ້ວນເຊີນ, ປະທານກຸ່ມບໍລິສັດຊິນຮວາຈີນກ່າວວ່າ, ມູນນິທິຊິນຮວາຈະສະໜອງການຊ່ວຍເຫຼືອໃຫ້ແກ່ໂຄງການຄົ້ນຄວ້າທີ່ກ່ຽວຂ້ອງ, ແລະຈະເຊື້ອເຊີນຄະນະຜູ້ຊ່ຽວຊານຫວຽດນາມໄປສຳຫຼວດຢູ່ຈີນ.
 |
