ວັນທີ 13 ມິຖຸນານີ້, ທ່ານ ຊຸລິໂອ ຣີໂອສ໌ ຫົວໜ້າສະຖາບັນຄົ້ນຄວ້າການພົວພັນສາກົນກາລີເຊຍທີ່ເປັນສະມາຄົມຜູ້ຊົງຄຸນວຸດທິປະເທດແອັສປາຍ ທັງເປັນຫົວໜ້າສູນສັງເກດນະໂຍບາຍຈີນປະເທດດັ່ງກ່າວໃຫ້ສຳພາດຕໍ່ນັກຂ່າວໂດຍກ່າວວ່າ: ຂໍກະແຈໃນການແກ້ໄຂຄວາມຂັດແຍ້ງທີ່ກ່ຽວຂ້ອງໃນບັນຫາທະເລຈີນໃຕ້ຕ້ອງໄດ້ຜ່ານການປຶກສາຫາລືແລະການເຈລະຈາ ຫາກບໍ່ແມ່ນການຕັດສິນພຽງແຕ່ຝ່າຍດຽວເທົ່ານັ້ນ; ການເຈລະຈາຈະເປັນປະໂຫຍດຕໍ່ການເພີ່ມທະວີຄວາມເຂົ້າໃຈ, ແຕ່ການຕັດສິນມີແຕ່ຈະພາໃຫ້ຄວາມຂັດແຍ້ງກັນຮຸນແຮງຂຶ້ນຕື່ມ. ເບິ່ງໃນແງ່ກົດໝາຍແລະພຶດຕິກຳຕົວຈິງແລ້ວ, ການຕັດສິນພຽງແຕ່ຝ່າຍດຽວນັ້ນບໍ່ມີຜົນສັກສິດແຕ່ປະການໃດ.
ທ່ານ ຊຸລິໂອ ກ່າວຕື່ມວ່າ: ຖ້າຫາກສານຕັດສິນບໍ່ສາມາດເຮັດໃຫ້ສອງຝ່າຍກ້າວເຖິງຂັ້ນມີຄວາມຮັບຮູ້ຮ່ວມກັນໄດ້ ລວມທັງການຊັ່ງຊາໃນແງ່ກົດໝາຍແລະພຶດຕິກຳຕົວຈິງແລ້ວ, ຜົນການຕັດສິນລ້ວນແຕ່ບໍ່ມີຜົນສັກສິດ. ແລະອາດເວົ້າໄດ້ວ່າ: ຈຸດປະສົງທີ່ແທ້ຈິງຂອງຟີລິບປິນທີ່ສະເໜີການຕັດສິນພຽງຝ່າຍດຽວນັ້ນບໍ່ແມ່ນເພື່ອຄວາມສັກສິດທາງກົດໝາຍ, ຫາກເພື່ອບັນລຸຈຸດປະສົງທາງການເມືອງຂອງຕົນ.ສານຕັດສິນເຂົ້າແຊກແຊງໃນບັນຫາຄວາມຂັດແຍ້ງກັນໃນທະເລຈີນໃຕ້ເປັນສ່ວນໜຶ່ງຂອງຍຸດທະສາດການສ້າງຄວາມກົດດັນຕໍ່ຈີນ,ແລະໄດ້ພົວພັນໂດຍກົງກັບການເຂົ້າແຊກແຊງໃນບັນຫາດັ່ງກ່າວຂອງອາເມລິກາຫວ່າງມໍ່ໆນີ້.