ຈີນຊົມເຊີຍແລະຂອບໃຈຕໍ່ທັດສະນະນາຍົກລັດຖະມົນຕີກຳປູເຈຍກ່ຽວກັບບັນຫາທະເລຈີນໃຕ້
2016-06-22 16:29:53 cri
ຕາມຂ່າວສານຊິນຮວາ: ວັນທີ 20 ມິຖຸນານີ້, ທ່ານ ຮຸນແຊນ ນາຍົກລັດຖະມົນຕີກຳປູເຈຍໄດ້ກ່າວປາໄສໃນໂອກາດເຂົ້າຮ່ວມພິທີປິດສົກຮຽນຂອງສະຖາບັນບໍລິຫານແຫ່ງຊາດປະເທດຂອງຕົນວ່າ, ຟິລິບປິນສະເໜີການຕັດສິນພຽງຝ່າຍດຽວມີຈຸດປະສົງທາງການເມືອງເຊິ່ງປະເທດຕົນບໍ່ສະໜັບສະໜູນທັງຮຽກຮ້ອງໃຫ້ຝ່າຍທີ່ກ່ຽວຂ້ອງຈົ່ງແກ້ໄຂຄວາມຂັດແຍ້ງກັນໂດຍຜ່ານການເຈລະຈາສອງຝ່າຍ. ຂະນະທີ່ວັນທີ 21 ມິຖຸນານີ້, ທ່ານນາງ ຮວ້າຊຸນຢຸງ ໂຄສົກກະຊວງການຕ່າງປະເທດຈີນໄດ້ຖະແຫຼງຂ່າວວ່າ, ຈີນສະແດງຄວາມຊົມເຊີຍເປັນຢ່າງສູງແລະຂອບໃຈທ່ານ ຮຸນແຊນ ທີ່ສະແດງທັດສະນະດັ່ງກ່າວ ທັງຢ້ຳວ່າ, ຕໍ່ບັນຫາອະທິປະໄຕດ້ານດິນແດນແລະສິດຜົນປະໂຫຍດທາງທະເລນັ້ນ, ຈີນບໍ່ຮັບຮອງວິທີການແກ້ໄຂຄວາມຂັດແຍ້ງກັນທີ່ຮ້ອງຂໍນຳຝ່າຍທີ 3 ແລະບໍ່ຮັບຮອງແຜນການແບບບັງຄັບທີ່ແນໃສ່ຈີນແຕ່ຢ່າງໃດ. "ແນວໃດກໍດີ, ຈີນຈະສືບຕໍ່ຍຶດໝັ້ນການແກ້ໄຂຄວາມຂັດແຍ້ງກັນທີ່ກ່ຽວຂ້ອງໂດຍຜ່ານການເຈລະຈາໂດຍກົງກັບປະເທດອະທິປະໄຕທີ່ກ່ຽວຂ້ອງບົນພື້ນຖານເຄົາລົບຄວາມຈິງທາງປະຫວັດສາດແລະອີງຕາມກົດໝາຍສາກົນ."