ຂ່າວສານສູນກາງ ສປປ ເກົາຫຼີລາຍງານໃນວັນທີ 25 ມິຖຸນານີ້ວ່າ, ວັນທີ 24 ມິຖຸນານີ້, ໃນເວລາຕອບຄຳຖາມຂອງນັກຂ່າວ, ໂຄສົກກະຊວງການຕ່າງປະເທດ ສປປ ເກົາຫຼີກ່າວວ່າ, ສປປ ເກົາຫຼີປະຕິເສດບໍ່ຮັບເອົາຖະແຫຼງການສື່ມວນຊົນທີ່ສະພາຄວາມໝັ້ນຄົງອົງການສະຫະປະຊາຊາດປະນາມ ສປປ ເກົາຫຼີຍິງລູກສອນໄຟນຳວິຖີອີກເທື່ອໜຶ່ງ.
ໂຄສົກທ່ານນີ້ກ່າວວ່າ, ສປປ ເກົາຫຼີທົດລອງຍິງລູກສອນໄຟນຳວິຖີຍຸດທະສາດ ແມ່ນມາດຕະການປ້ອງກັນຕົວ ເພື່ອຮັບມືກັບໄພຂົ່ມຂູ່ເປັນໄລຍະຍາວນານຈາກອິດທິກຳລັງປໍລະປັກທີ່ນຳໂດຍອາເມລິກາ. ອາເມລິກາສ້າງໄພຂົ່ມຂູ່ທາງການທະຫານຕໍ່ ສປປ ເກົາຫຼີເທື່ອແລ້ວເທື່ອອີກ, ນີ້ຈຶ່ງແມ່ນສາເຫດສຳຄັນທີ່ສຸດທີ່ພາໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນ.
ວັນທີ 23 ມິຖຸນານີ້, ສະພາຄວາມໝັ້ນຄົງອົງການສະຫະປະຊາຊາດອອກຖະແຫຼງການສື່ມວນຊົນ ໂດຍກ່າວປະນາມ ສປປ ເກົາຫຼີຍິງລູກສອນໄຟນຳວິຖີອີກເທື່ອໜຶ່ງໃນຫວ່າງມໍ່ໆມານີ້, ທັງຮຽກຮ້ອງໃຫ້ ສປປ ເກົາຫຼີເຄົາລົບມະຕິທີ່ກ່ຽວຂ້ອງຂອງສະພາຄວາມໝັ້ນຄົງແລະຫຼີກເວັ້ນບໍ່ດຳເນີນການເຄື່ອນໄຫວຕື່ມອີກ.