ພິທີສ້າງຕັ້ງຄະນະກຳມະການສົ່ງເສີມສັນຕິພາບຈີນປະຈຳລາວຊຸດທີ 3 ໄດ້ຈັດຂຶ້ນຢູ່ ນະຄອນຫຼວງວຽງຈັນຂອງລາວໃນວັນທີ 25 ມິຖຸນານີ້. ທ່ານກວ່ນຮວາປິນ ເອກອັກຄະລັດຖະທູດຈີນປະຈຳລາວ, ຊາວຈີນແລະຈີນຕ່າງດ້າວຢູ່ລາວ, ອົງການທຶນຈີນຢູ່ລາວ, ຄູສອນອາສາສະໝັກ, ຜູ້ຕາງໜ້ານັກສຶກສາທີ່ຮຽນຢູ່ລາວ ໄດ້ເຂົ້າຮ່ວມພິທີຄັ້ງນີ້.
ໃນພິທີ, ທ່ານເສີນຈູ້ນຢ້າວ ເລຂາທິການຄະນະກຳມະການດັ່ງກ່າວໄດ້ອ່ານຈົດໝາຍອວຍພອນຂອງສະມາຄົມຊຸກຍູ້ການໂຮມເຂົ້າຈີນເປັນເອກະພາບໂດຍສັນຕິປະຈຳປັກກິ່ງແລະສະພາການຄ້າລາວກວາງຕຸ້ງ, ລາຍຊື່ສະມາຊິກການນຳໃໝ່, ໃນພິທີ ທ່ານຈັ່ງກຸ້ຍລົງ ປະທານຄະນະກຳມະການດັ່ງກ່າວໄດ້ທົບທວນຄືນຂະບວນການແລະໝາກຜົນວຽກງານຂອງຄະນະກຳມະການ ຕັ້ງແຕ່ສ້າງຕັ້ງຂື້ນເປັນເວລາ 13 ປີມານີ້. ທ່ານກວ່ນຮວາປີ່ນ, ເອກອັກຄະລັດຖະທູດຈີນປະຈຳລາວສະແດງຄວາມອວຍພອນຕໍ່ການສ້າງຕັ້ງຄະນະກຳມະການດັ່ງກ່າວ, ແລະຫວັງວ່າ ຈະສືບຕໍ່ຕັ້ງໜ້າເຊື່ອມໂຍງເຂົ້າສັງຄົມລາວ, ແນະນຳແລະເຜີຍແຜ່ຫຼັກໝັ້ນແລະຈຸດຢືນຂອງລັດຖະບານຈີນໃນບັນຫາໄຕ້ຫວັນຕໍ່ວົງການຕ່າງໆຂອງລາວ, ປະກອບສ່ວນອັນໃໝ່ຢ່າງບໍ່ຢຸດຢັ້ງຕໍ່ການຊຸກຍູ້ໃຫ້ປະເທດຈີນໂຮມເຂົ້າເປັນເອກະພາບໂດຍສັນຕິ ແລະເພີ່ມທະວີໄມຈີຕິດມິດຕະພາບລະຫວ່າງຈີນ-ລາວ.