ຫວ່າງບໍ່ດົນມານີ້ ຢູ່ສະຖານທູດຈີນປະຈຳລາວ, ທ່ານກ່ວນຮວາປິ່ງ ເອກອັກຄະລັດຖະທູດຈີນປະຈຳລາວໄດ້ພົບປະກັບຊາວໜຸ່ມອາສາສະໝັກຈີນຊຸດທິ 8ທີ່ພວມປະຕິບັດໜ້າທີ່ຢູ່ລາວ.
ທ່ານກ່ວນຮວາປີ່ງໄດ້ສະແດງຄວາມຊົມເຊີຍຕໍ່ຊາວໜຸ່ມອາສາສະໝັກທີ່ເດີນທາງມາຮັບໜ້າທີ່ການເປັນອາສາສະໝັກຢູ່ລາວທັງຢືນຢັນວ່າ: ຊາວໜຸ່ມອາສາສະໝັກຈີນມີລະດັບຄວາມຮູ້ຄວາມສາມາດສູງແລະໄດ້ຮັບຄວາມຍ້ອງຍໍຊົມເຊີຍຈາກສັງຄົມລາວ. ໃນຊຸມປີມໍ່ໆມານີ້, ການຮ່ວມມືໃນຂົງເຂດຕ່າງໆລະຫວ່າງຈີນ-ລາວໄດ້ຮັບຜົນສຳເລັດທີ່ໜ້າສັນລະເສີນ, ມິດຕະພາບທີ່ມີມູນເຊື້ອລະຫວ່າງປະຊາຊົນສອງຊາດໄດ້ເສີມຂະຫຍາຍເລິກເຊິ່ງຂຶ້ນເລື້ອຍໆ, ໄມຕີຈິດມິດຕະພາບລະຫວ່າງປະຊາຊົນເຮັດໃຫ້ສາຍພົວພັນສອງປະເທດພັດທະນາກ້າວໜ້າແລະໝັ້ນທ່ຽງ. ແນວໃດກໍດີ, ຫວັງວ່າຊາວໜຸ່ມອາສາສະໝັກຈີນຈະຕິດແທດກັບປະຊາຊົນລາວ, ຮັບໃຊ້ສັງຄົມ, ຝຶກຝົນຕົນເອງໃຫ້ມີຄວາມອົດທົນແລະກາຍເປັນບຸກຄະລາກອນໂຄສະນາພາບພົດທີ່ດີຂອງຄົນຈີນຢູ່ລາວແລະເປັນທູດປະຊາຊົນທີ່ສົ່ງເສີມມິດຕະພາບທີ່ມີມູນເຊື້ອລະຫວ່າງປະຊາຊົນສອງຊາດຈີນ-ລາວ.
ທ່ານຈູ່ຫາວຈຸ່ນ ຫົວໜ້າຄະນະຊາວໜຸ່ອາສາສະໝັກຈີນໄດ້ແຈ້ງສະພາບຊາວໜຸ່ມອາສາສະໝັກຈີນຊ່ວຍເຫຼືອລາວຊຸດທີ 8ໂດຍຢືນຢັນວ່າໜ່ວຍບໍລິການອາສາສະໝັກທີ່ປະກອບດ້ວຍນັກວິຊາການຫຼັກແຫຼງຈາກຫຼາຍຂະແໜງການ 11 ຄົນຈະປະຕິບັດໜ້າທີ່ຢູ່ລາວ 6 ເດືອນ, ໂດຍຈະສູ້ຊົນເຮັດວຽກເພື່ອປະກອບສ່ວນເຂົ້າໃນການສົ່ງເສີມການແລກປ່ຽນແລະຮ່ວມມືລະຫວ່າງຊາວໜຸ່ມສອງປະເທດແລະເພີ່ມທະວີນ້ຳໃຈມິດຕະພາບລະຫວ່າງປະຊາຊົນສອງຊາດ.
ທ່ານຫວາງສີຮຸ່ຍ ທູດເສດຖະກິດສະຖານທູດຈີນປະຈຳລາວໄດ້ຮ່ວມກັບທ່ານກ່ວນຮວາປິ່ງພົບປະໜ່ວຍຊາວໜຸ່ມອາສາສະໝັກຈີນໃນເທື່ອນີ້.
 |
