ວັນທີ 29 ມິຖຸນານີ້, ງານວາງສະແດງຂໍ້ມູນເອກະສານລະນຶກວັນສ້າງຕັ້ງພັກກອມມູນິດຈີນຄົບຮອບ 95 ປີພາຍໃຕ້ຫົວຂໍ້ "ຄວາມຊົງຈຳແຫ່ງການປະຕິວັດ"ໂດຍຫໍສະໝຸດແຫ່ງຊາດຈີນເປັນເຈົ້າພາບນັ້ນໄດ້ຈັດຂຶ້ນຢູ່ຫໍພິພິທະພັນຕຳລາແຫ່ງຊາດ ເຊິ່ງໃນງານດັ່ງກ່າວໄດ້ນຳເອົາຂໍ້ມູນເອກະສານທີ່ລ້ຳຄ່າຂອງຫໍສະໝຸດແຫ່ງຊາດຈີນຈຳນວນ 325 ຊະນິດລວມ 340 ກວ່າເຫຼັ້ມທີ່ລ້ວນແຕ່ສ່ອງແສງໃຫ້ເຫັນຂະບວນວິວັດການພັດທະນາຂອງພັກກອມມູນິດຈີນໂດຍປະກອບດ້ວຍ 7 ພາກພາຍໃຕ້ຫົວຂໍ້ຫຼັກຄື "ການເຜີຍແຜ່ລັດທິມາກຢູ່ຈີນ", "ກົດລະບຽບພັກກັບໜັງສືພິມທີ່ເປັນສຽງຂອງສູນກາງພັກ", "ການຕ້ານການປິດລ້ອມຂອງສັດຕູ ກັບການເຄື່ອນທັບທາງໄກ", "ກໍ່ສ້າງແນວໂຮມ", "ການສ້າງແນວຄິດແລະລະບຽບແບບແຜນຂອງພັກ","ການສ້າງແນວທາງປະຊາຊົນຂອງພັກ" ແລະ "ຜົນສຳເລັດດ້ານສິລະປະວັນນະຄະດີປະຊາຊົນ".