ກອງປະຊຸມເວທີປຶກສາຫາລືດາວົສລະດູຮ້ອນ 2016 ທີ່ດຳເນີນເປັນເວລາ 3 ມື້ ໄດ້ສຳເລັດຢູ່ນະຄອນທຽນສິນໃນວັນທີ 28 ມິຖຸນານີ້. ໃນກອງປະຊຸມຍ່ອຍທີ່ມີຫົວຂໍ້ "ໜຶ່ງແລວທາງໜຶ່ງເສັ້ນ ຫຼາຍຝ່າຍຕ່າງມີຜົນປະໂຫຍດ" ທີ່ຈັດຂຶ້ນໃນມື້ດຽວກັນ, ທ່ານຈິ່ນລີ້ສິນ ຜູ້ອຳນວຍການໃຫຍ່ທະນາຄານກໍ່ສ້າງພື້ນຖານໂຄງລ່າງອາຊີ ຫຼື AIIB ກ່າວວ່າ: AIIB ກຳລັງພິຈາລະນາຮັບເອົາສະມາຊິກໃໝ່ ໂດຍປັດຈຸບັນມີປະມານ 30 ປະເທດຮ້ອງຂໍເຂົ້າເປັນປະເທດສະມາຊິກ AIIB, ຂະນະທີ່ຄາດວ່າຮອດຕົ້ນປີໜ້າ, ສະມາຊິກ AIIB ຈະເພີ່ມຂຶ້ນເປັນປະມານ 90 ປະເທດ ແລະເຖິງເວລານັ້ນ, ບັນດາປະເທດສະມາຊິກຈະມີລັກສະນະຕົວແທນກວ້າງຂວາງກວ່າເກົ່າອີກ. ຂະນະທີ່ການລົງທຶນຂອງພວກເຮົານອກຈາກໄດ້ລວມທັງໂຄງການໃນເຂດ "ໜຶ່ງແລວທາງໜຶ່ງເສັ້ນທາງ" ແລ້ວ ຍັງເປີດກວ້າງໄປສູ່ປະເທດທີ່ຢູ່ນອກເຂດດັ່ງກ່າວເຊັ່ນກັນ.
ທ່ານຈິ່ນລີ້ສິນ ກ່າວຕື່ມວ່າ: AIIB ມີ 3 ມາດຕະຖານໃຫຍ່ທີ່ເປັນພື້ນຖານໃນການຄັດເລືອກໂຄງການ ເປັນຕົ້ນ ຄວາມຕໍ່ເນື່ອງທາງການທະນາຄານ, ການອະນຸລັກສິ່ງແວດລ້ອມ ແລະ ໄດ້ຮັບຄວາມຍິນດີໂດຍທົ່ວໄປຈາກສັງຄົມ. ແນວໃດກໍດີ, AIIB ຈະລົງທຶນໃນໂຄງການທີ່ມີປະສິດທິຜົນສັງລວມອ່າວໃຫຍ່ເຫຼົ່ານັ້ນເປັນບູລິມະສິດ.