ອົງການການບິນພົນລະເຮືອນສາກົນ ຫຼື ICAO ທີ່ມີສຳນັກງານໃຫຍ່ຢູ່ເມືອງມອນເຕຣອານ ປະເທດການາດາ ໄດ້ຖະແຫຼງໃນວັນທີ 29 ມິຖຸນານີ້ ໂດຍປະນາມຢ່າງຮຸນແຮງຕໍ່ເຫດການຫຼອນໂຈມຕີກໍ່ການຮ້າຍສະໜາມບິນສາກົນອາຕາເຕິກເມືອງອິສຕັນບູນ ປະເທດຕວກກີ.
ທ່ານໂອລູມິວອີວາ ເບນາດ ອາລິວ ປະທານສະພາມົນຕີ ICAO ກ່າວວ່າ: ເຫດການກໍ່ການຮ້າຍດັ່ງກ່າວໄດ້ເລັງໃສ່ປະຊາຊົນຕວກກີແລະຜູ້ໂດຍສານທີ່ບໍລິສຸດເປັນເປົ້າໂຈມຕີ, ພວກຂ້າພະເຈົ້າຮູ້ສຶກເຈັບປວດຕໍ່ຜົນຮ້າຍຈາກເຫດການດັ່ງກ່າວ. ຂະນະທີ່ວົງການການບິນພົນລະເຮືອນສາກົນຍິນດີຮ່ວມມືກັບປະເທດທີ່ກ່ຽວຂ້ອງຢ່າງແໜ້ນແຟ້ນ ເພື່ອຮັບປະກັນບໍ່ໃຫ້ຕາໜ່າງການບິນພົນລະເຮືອນທົ່ວໂລກ ແລະ ຜູ້ໂດຍສານຫຼາຍຕື້ຄົນຖືກຂົ່ມຂູ່ຈາກລັດທິກໍ່ການຮ້າຍ.
ເຫດການຫຼອນໂຈມຕີແບບລະເບີດສະຫຼະຊີບຫຼາຍເທື່ອແລະຕໍ່ເນື່ອງຢູ່ສະໜາມບິນສາກົນອາຕາເຕິກ ເມືອງອິສຕັນບູນ ໃນຕອນຄ່ຳວັນທີ 28 ມິຖຸນານີ້ ເຮັດໃຫ້ 41 ຄົນເສຍຊີວິດ ແລະ 239 ຄົນບາດເຈັບ.