ວັນທີ 28 ມິຖຸນານີ້, ທ່ານຫ້າວຜີງ, ຮອງລັດຖະມົນຕີກະຊວງສຶກສາທິການຈີນໄດ້ພົບປະກັບທ່ານນາງ ວັນດີ ບຸດທະສະວົງ, ເອກອັກຄະລັດຖະທິດລາວປະຈຳຈີນພ້ອມດ້ວຍຄະນະ.
ໂອກາດດັ່ງກ່າວ, ທ່ານຫ້າວຜີງໄດ້ສະເໜີກ່ຽວກັບການຣ່ວມມືລະຫວ່າງຈີນ-ລາວເປັນຕົ້ນການແລກປ່ຽນການສຶກສາ, ເພີ່ມທະວີການໄປມາຫາສູ່ກັນຂອງຄູອາຈານແລະນັກສຶກສາ, ແລະຕັ້ງໜ້າຍົກລະດັບຊັບພະຍາກອນມະນຸດແລະອື່ນໆ, ຂະນະທີ່ປີນີ້ຈີນອາຊຽນສ້າງສາຍພົວພັນຄູ່ເຈລະຈາຄົບຮອບ 25 ປີ, ແມ່ນປີແລກປ່ຽນການສຶກສາຈີນ-ອາຊຽນ, ແລະກໍພໍດີທີ່ລາວເປັນປະເທດປະທານໝູນວຽນອາຊຽນ, ຈີນຖືໂອກາດນີ້, ພະຍາຍາມຮ່ວມກັບລາວ, ຊຸກຍູ້ຍົກລະດັບແລກປ່ຽນການສຶກສາລະຫວ່າງຈີນ-ລາວ, ຈີນ－ອາຊຽນກ້າວຂຶ້ນສູ່ລະດັບໃໝ່.
ທ່ານນາງ ວັນດີ ບຸດທະສະວົງໄດ້ກ່າວສະແດງຄວາມຂອບໃຈແລະຊົມເຊີຍຈີນທີ່ສະໜັບສະໜູນການສຶກສາຂອງລາວໃນໄລຍະຍາວນານ, ແລະກໍຍິນດີຮ່ວມກັບຈີນຈັດກິດຈະກຳປີສຶກສາໃຫ້ດີ, ຊຸກຍູ້ການແລກປ່ຽນວັດທະນະທຳລະຫວ່າງສອງປະເທດໃຫ້ໄດ້ຮັບການພັດທະນາຢ່າງບໍ່ຢຸດຢັ້ງ.
 |
