ຫວ່າງມໍ່ໆນີ້, ທ່ານ ກວນຮວາບິງ ເອກອັກຄະລັດຖະທູດຈີນປະຈຳລາວ ແລະທ່ານນາງ ຄຳເພົາ ເອິນທະວັນ ຮອງລັດຖະມົນຕີກະຊວງການຕ່າງປະເທດລາວໄດ້ເຂົ້າຮ່ວມພິທີມອບ-ຮັບເຄື່ອງຊ່ວຍເຫຼືອຈາກສະຖານທູດຈີນປະຈຳລາວໃຫ້ແກ່ກະຊວງການຕ່າງປະເທດລາວ.
ທ່ານ ກວນຮວາບິງ ກ່າວວ່າ, ການທີ່ສະຖານທູດຈີນປະຈຳລາວມອບເຄື່ອງຊ່ວຍເຫຼືອໃຫ້ແກ່ກະຊວງການຕ່າງປະເທດລາວກໍຫວັງຈະຊ່ວຍວຽກງານທີ່ກ່ຽວຂ້ອງຂອງກະຊວງການຕ່າງປະເທດໃນໂອກາດທີ່ປີນີ້ລາວເປັນປະທານອາຊຽນ. ແນວໃດກໍດີ, ສະຖານທູດຈີນປະຈຳລາວຈະສື່ບຕໍ່ພົວພັນແລະຮ່ວມມືຢ່າງໃກ້ຊິດກັບກະຊວງການຕ່າງປະເທດລາວ ເພື່ອຮ່ວມກັນຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ພັດທະນາເຂົ້າສູ່ລວງເລິກຢ່າງບໍ່ຢຸດຢັ້ງ.
ທ່ານນາງ ຄຳເພົາ ເອິນທະວັນ ໄດ້ສະແດງຄວາມຂອບໃຈທີ່ສະຖານທູດຈີນປະຈຳລາວມອບເຄື່ອງກໍຄືໃຫ້ການຊ່ວຍເຫຼືອແລະສະໜັບສະໜູກະຊວງຕົນໃນໄຍລະຜ່ານມາທັງກ່າວວ່າ, ເຄື່ອງຊ່ວຍເຫຼືອເຫຼົ່ານີ້ຈະເສີມຂະຫຍາຍບົດບາດສຳຄັນໃນການປະຕິບັດວຽກງານຕ່າງໆທັງເປັນຂອງຂວັນທີ່ຈີນໃຫ້ລາວໃນໂອກາດສອງປະເທດສ້າງຕັ້ງສາຍພົວພັນທາງການທູດຄົບຮອບ 55 ປີ. ຍິ່ງກວ່ານັ້ນຍັງເປັນການສະໜັບສະໜູນລາວຢ່າງແທ້ຈິງໃນຖານະເປັນປະທານອາຊຽນ. ແນວໃດກໍດີ, ລາວຈະນຳໃຊ້ເຄື່ອງຊ່ວຍເຫຼືອເຫຼົ່ານີ້ຢ່າງເຕັມສ່ວນເພື່ອເສີມຂະຫຍາຍບົດບາດແລະປະຕິບັດໜ້າທີ່ວຽກງານຢ່າງມີປະສິດທິພາບ.