ວັນທີ 1 ກໍລະກົດ 2016 ນີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນໄດ້ກ່າວສູນທອນພົດໃນພິທີສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 95 ປີໂດຍໄດ້ຫວນຄືນຂະບວນການບຸກບືນສູ້ຊົນຕະຫຼອດ 95 ປີຂອງພັກກອມມູນິດຈີນທັງຊີ້ໃຫ້ເຫັນການປະກອບສ່ວນຄັ້ງປະຫວັດການແລະບົດຮຽນອັນປະເສີດຂອງພັກກອມມູນິດຈີນໃນການນຳພາການປະຕິວັດ,ການກໍ່ສ້າງ, ການປະຕິຮູບແລະໄຂປະຕູສູ່ພາຍນອກກໍຄືທິດທາງພັດທະນາໃນອະນາຄົດໂດຍເນັ້ນ "ບໍ່ລືມຈຸດປະສົງແຕ່ຫົວທີ,ສືບຕໍ່ກ້າວໄປທາງໜ້າ".
ໃນສູນທອນພົດຂອງທ່ານສີຈິ້ນຜິງໄດ້ເນັ້ນວ່າການຫວນຄືນປະຫວັດສາດໃນຂະນະນີ້ບໍ່ແມ່ນເພື່ອສະແຫວງຫາສິ່ງພໍໃຈຕໍ່ຜົນສຳເລັດ. ເຖິງວ່າພັກກອມມູນິດຈີນສ້າງຕັ້ງຂຶ້ນມາໄດ້ 95 ປີແລ້ວກໍຕາມ, ແຕ່ພວກເຮົາຄວນຮັກສາຈິດໃຈບຸກບືນສູ້ຊົນຂອງສະມາຊິກພັກກອມມູນິດຈີນໃນເວລາສ້າງຕັ້ງພັກແລະຮັກສາຈິດໃຈບໍລິສຸດຜຸດຜ່ອງຕໍ່ປະຊາຊົນຕະຫຼອດໄປ. ເມື່ອແນມເຫັນອະນາຄົດແລະພະເຊີນໜ້າກັບສິ່ງທ້າທາຍ, ບັນດາສະຫາຍສະມາຊິກທົ່ວພັກຕ້ອງບໍ່ລືມຈຸດປະສົງແຕ່ຫົວທີແລະສືບຕໍ່ກ້າວໄປທາງໜ້າ.