ການຕັດສິນຢ່າງຜິດກົດໝາຍເປັນລະຄອນຕະຫຼົກດ້ານການເມືອງ

ຫວ່າງມໍ່ໆມານີ້, ໜັງສືພິມປະຊາຊົນລາຍວັນຂອງຈີນໄດ້ລົງພິມບົດຄວາມທີ່ພາກຫົວເລື່ອງວ່າ "ການຕັດສິນຢ່າງຜິດກົດໝາຍເປັນລະຄອນຕະຫຼົກດ້ານການເມືອງ."

ໃນບົດຄວາມດັ່ງກ່າວມີບາງຕອນຂຽນໄວ້ວ່າ, ວັນທີ 29 ມິຖຸນາຜ່ານມາ, ສານຕັດສິນຄະດີທະເລຈີນໃຕ້ທີ່ສ້າງຕັ້ງຂຶ້ນຕາມຄຳຮ້ອງຂໍຂອງຟີລິບປີນແຕ່ຝ່າຍດຽວນັ້ນ, ໄດ້ປະກາດວ່າຈະເປີດເຜີຍອັນທີ່ກ່າວອ້າງວ່າຜົນການຕັດສິນສຸດທ້າຍໃນວັນທີ 12 ກໍລະກົດນີ້, ເຊິ່ງການທີ່ສານຕັດສິນທີ່ບໍ່ຊອບດ້ວຍກົດໝາຍແຕ່ປະການໃດເຮັດແນວນີ້ສະແດງໃຫ້ເຫັນເຖິງເຈຕະນາບໍ່ດີຂອງເຂົາທີ່ຍອມເປັນເຄື່ອງມືທາງການເມືອງຂອງບາງປະເທດ.

ບົດຄວາມເນັ້ນວ່າ, ຈີນມີຄວາມເດັດດ່ຽວໜຽວແໜ້ນໃນການປົກປັກຮັກສາອະທິປະໄຕດ້ານດິນແດນແລະສິດຜົນປະໂຫຍດທາງທະເລ, ໂດຍຈະບໍ່ຮັບເອົາຄວາມເຫັນແລະການເຄື່ອນໄຫວບົນພື້ນຖານການຕັດສິນທີ່ບໍ່ຊອບດ້ວຍກົດໝາຍໃດໆ, ແລະກຽມພ້ອມທຸກເວລາເພື່ອປົກປັກຮັກສາອະທິປະໄຕດ້ານດິນແດນແລະສິດຜົນປະໂຫຍດທາງທະເລຂອງຕົນຢູ່ທະເລຈີນໃຕ້ດ້ວຍຄວາມເດັດດ່ຽວແລະແຂງ. ເຈຕະນາໃດໆທີ່ຫວັງທຳລາຍອະທິປະໄຕດ້ານດິນແດນແລະສິດຜົນປະໂຫຍດທາງທະເລຂອງຈີນໂດຍຜ່ານຈາກການຕັດສິນທີ່ບໍ່ຊອບດ້ວຍກົດໝາຍເປັນພ8ງແຕ່ຄວາມເພີ້ຝັນລົມທແລ້ງໆເທົ່ານັ້ນ.