ອະທິປະໄຕແລະສິດຜົນປະໂຫຍດຂອງຈີນຢູ່ທະເລຈີນໃຕ້ຈະບໍ່ໄດ້ຮັບຜົນກະທົບຈາກການຕັດສິນແບບຜິດກົດໝາຍ
2016-07-05 17:07:45 cri
ຕາມຂ່າວCRI: ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ 4 ກໍລະກົດນີ້, ທ່ານ ຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ: ອະທິປະໄຕແລະສິດຜົນປະໂຫຍດຂອງຈີນຢູ່ທະເລຈີນໃຕ້ຈະບໍ່ໄດ້ຮັບຜົນກະທົບຈາກການຕັດສິນແບບຜິດກົດໝາຍ ທັງເນັ້ນ "ສານອະນຸຍາໂຕຕຸລາການທີ່ສ້າງຕັ້ງຂຶ້ນຕາມຄວາມຮຽກຮ້ອງຂອງຟີລິບປິນແຕ່ຝ່າຍດຽວບໍ່ມີສິດຄອບຄອງຕໍ່ຄະດີດັ່ງກ່າວ, ການຕັດສິນຂອງສານແມ່ນຜະລິດຕະພົນແບບຜິດກົດໝາຍໃນການໃຊ້ສິດແລະອຳນາດໃນທາງທີ່ບໍ່ຖືກຕ້ອງ, ບໍ່ມີຜົນສັກສິດທາງ ກົດໝາຍໃດໆ. ທ່ານ ຫົງເຫຼີຍ ກ່າວຕື່ມວ່າ: ສິ່ງທີ່ຄວນຊີ້ໃຫ້ເຫັນຄືອະທິປະໄຕເໜືອດິນແດນແລະສິດທີ່ກ່ຽວຂ້ອງຂອງຈີນຢູ່ທະເລຈີນໃຕ້ໄດ້ປາກົດຂຶ້ນໃນປະຫວັດສາດເປັນເວລາຍາວນານ ເຊິ່ງຜ່ານມາຈີນທຸກຊຸດລັດຖະບານລ້ວນແຕ່ໄດ້ປົກປ້ອງ ແລະ ມີຫຼັກຖານອ້າງອີງທາງປະຫວັດສາດແລະກົດໝາຍຢ່າງເຕັມສ່ວນ. ອະທິປະໄຕແລະສິດຜົນປະໂຫຍດຂອງຈີນຢູ່ທະເລຈີນໃຕ້ຈະບໍ່ໄດ້ຮັບຜົນກະທົບຈາກການຕັດສິນແບບຜິດກົດໝາຍ."
