ວັນທີ 7 ກໍລະກົດນີ້, ທ່ານ ຈ້າວຫົງຈູ້ ເລຂາທິການສູນກາງພັກ, ຮອງປະທານຄະນະກຳມະການກວດກາລະບຽບວິໄນສູນກາງພັກກອມມູນິດຈີນໄດ້ຫາລືກັບຄະນະຜູ້ແທນພັກປະຊາຊົນປະຕິວັດລາວທີ່ນຳໂດຍທ່ານບຸນທອງ ຈິດມະນີ ກຳມະການກົມການເມືອງສູນກາງພັກ, ປະທານຄະນະກຳມະການກວດກາສູນກາງພັກ.
ທ່ານ ຈ້າວຫົງຈູ້ ກ່າວວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເປັນຕົ້ນມາ, ສູນກາງພັກທີ່ນຳພາໂດຍທ່ານ ສີຈິ້ນຜິງ ເລຂາທິການໃຫຍ່ສູນກາງພັກໄດ້ຊຸກຍູ້ການບໍລິຫານງານພັກຢ່າງເຄັ່ງຄັດແລະຮອບດ້ານ, ການກໍ່ສ້າງແບບແຜນຂອງພັກທີ່ປອດໃສຂາວສະອາດແລະປະສົບຜົນສຳເລັດການຕ້ານການສໍ້ລາດບັງຫຼວງຢ່າງໃຫຍ່ຫຼວງ.ຈີນຍິນດີຮ່ວມກັບລາວເພີ່ມທະວີການແລກປ່ຽນແລະຖອດຖອນບົດຮຽນເຊິ່ງກັນແລະກັນ ເພື່ອໃຫ້ປະຊາຊົນສອງປະເທດຮ່ວມກັນແບ່ງປັນຜົນສຳເລັດຈາກການຮ່ວມມືໃນການສະກັດກັ້ນສະພາບການສໍ້ລາດບັງຫຼວງລະຫວ່າງປະຊາຊົນສອງປະເທດ.
ທ່ານ ບຸນທອງ ກ່າວວ່າ: ລາວຍິນດີເພີ່ມທະວີການແລກປ່ຽນແລະຮ່ວມມືໃນການສະກັດກັ້ນສະພາບການສໍ້ລາດບັງຫຼວງ ພ້ອມທັງຖອດຖອນບົດຮຽນແຫ່ງຜົນສຳເລັດຂອງຈີນ.