ຂ່າວສານຊິນຮວາ:ໃນບັນຫາທະເລຈີນໃຕ້,ສື່ຕາເວັນຕົກຈຳນວນໜຶ່ງຫວັງປິດບັງຄວາມຈິງດ້ວຍ ຄຳຫຼອກລວງ,ເຮັດໃຫ້ຫາງສຽງເຂົ້າໃຈຜິດແລະເກີດອະຄະຕິ,ແຕ່ກໍບໍ່ໝາຍຄວາມວ່າ, "ຂ່າວເທັດ"ທີ່ຕັ້ງໃຈປິດອຳເຫຼົ່ານີ້ສາມາດຫຼອກລວງສາຍຕາຂອງນັກວິຊາການແລະຜູ້ທີ່ມີຄວາມ
ສາມາດຈຳແນກຄວາມເທັດຈິງຂອງຂໍ້ມູນຂ່າວສານໄດ້.
ຫວ່າງມໍ່ໆນີ້,ທ່ານເດວິດ ເວວຊ ສາສະດາຈານວິຊາການເມືອງຂອງມະຫາວິທະຍາໄລວາເຕີລູປະເທດການາດາກໍໄດ້ກ່າວຕອບໂຕ້ສື່ຕາເວັນຕົກທີ່ຂະນະລາຍງານບັນຫາທະເລຈີນໃຕ້,ໂດຍຕັ້ງໃຈໃຊ້ຄຳວ່າ "ຈີນມີການກະທຳລັກສະນະໂຈມຕີ", " ຈີນຂົ່ມຂູ່ເສລີພາບໃນການບິນແລະການເດີນເຮືອ"ແລະອື່ນໆ,ເຮັດໃຫ້ຜູ້ອ່ານວາດພາບເຫັນສັນຍານຕໍ່ບັນຫາທະເລໃຕ້ໄປໃນຕົວ.ຂະນະດຽວກັນ,ທ່ານໄດ້ສະເໜີໃຫ້ສື່ຕາເວັນຕົກຄວນສຶກສາຄົ້ນຄວ້າຄຳຖະແຫຼງຂອງທາງການຈີນຢ່າງຄັກແນ່ເພື່ອເຮັດໃຫ້ການລາຍງານຂ່າວສົມດູນແລະຍຸຕິທຳ.
ນັບແຕ່ປີຜ່ານມາເຖິງປັດຈຸບັນ,ທ່ານເກຣ ອົສຕິນ ນັກຄົ້ນຄວ້າຈາກສະຖາບັນຄົ້ນຄວ້າຕາເວັນອອກຕາເວັນຕົກອາເມລິກາໄດ້ເຜີຍແຜ່ບົດຄວາມຢ່າງຕໍ່ເນື່ອງ,ໂດຍໄດ້ຂຽນຕອບໂຕ້ການລາຍງານຂອງສື່ຈຳນວນໜຶ່ງກ່ຽວກັບ "ຈີນຖົມທະເລເພື່ອສ້າງເກາະທີ່ມີລັກສະນະໂຈມຕີຢູ່ທະເລຈີນໃຕ້".ທ່ານໄດ້ປຽບທຽບກິດຈະກຳຂອງຈີນແລະປະເທດອ້ອມຂ້າງອື່ນໆຢູ່ທະເລຈີນໃຕ້ແລ້ວຈຶ່ງເຫັນວ່າ,ການໃຊ້ປະໂຫຍກ "ລັກສະນະໂຈມຕີ"ນັ້ນບໍ່ສອດຄ່ອງກັບສະພາບຄວາມເປັນຈິງ.
ຫວ່າງມໍ່ໆນີ້,ທ່ານເບນ ເຣໂທດສ ນັກວິເຄາະນະໂຍບາຍການຕ່າງປະເທດອາເມລິກາກໍໄດ້ເຜີຍແຜ່ບົດຄວາມໂດຍໄດ້ຕຳໜິໜັງສືພິມນີວຢອກແທມສວ່າ,ບົດນຳບົດໜຶ່ງຂອງໜັງສືພິມດັ່ງກ່າວທີ່ພິມຫວ່າງມໍ່ໆນີ້ໄດ້ວາດພາບໃຫ້ເຫັນການເປັນປໍລະປັກກັນລະຫວ່າງອາເມລິກາແລະຈີນຢູ່ທະເລຈີນໃຕ້ດ້ວຍຄວາມຈົງໃຈແລະບົດລາຍງານຂ່າວທີ່ທັງແທ້ເແລະເທັດກ້ຳເກິ່ງກັນເພື່ອເຮັດໃຫ້ຄົນອາເມລິກາເຂົ້າໃຈຜິດເຊິ່ງນີ້ກໍເປັນການກະທຳຂອງກະຊວງປ້ອງກັນປະເທດອາເມລິກາ,ແລະກໍມີແຕ່ຈຳເຮັດໃຫ້ປະຊາຊົນອາເມລິກາແລະຈີນເປັນປໍລະປັກກັນເທົ່ານັ້ນ.ພວກເຮົາມີໜ້າທີ່ຮັບຜິດຊອບໃນການດັດແປງຖ້ອຍຄວາມທີ່ຜິດພາດແລະອັນຕະລາຍເຫຼົ່ານີ້."