ວັນທີ 8 ກໍລະກົດນີ້, ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ: ຫຼັກໝັ້ນຂອງຝ່າຍຈີນທີ່ບໍ່ຮັບເອົາ ບໍ່ເຂົ້າຮ່ວມອັນທີ່ວ່າການຕັດສິນບັນຫາທະເລຈີນໃຕ້ນັ້ນຈະບໍ່ມີການປ່ຽນແປງ, ຝ່າຍທີ່ກ່ຽວຂ້ອງເຈດຕະນາຢາກບັງຄັບຈີນຮັບເອົາຜົນການຕັດສິນດ້ວຍການໃຊ້ຄວາມກົດດັນດ້ານການຕ່າງປະເທດແລະການໂຄສະນາຫຼອກລວງດ້ານຫາງສຽງນັ້ນ ພຽງແຕ່ແມ່ນຄວາມຝັນຊື່ໆເທົ່ານັ້ນ.
ຕາມຂ່າວແຈ້ງວ່າ: ວັນທີ 7 ກໍລະກົດນີ້,ເຈົ້າໜ້າທີ່ບາງຄົນຂອງກະຊວງປ້ອງກັນປະເທດອາເມລິກາກ່າວວ່າ: ຜົນການຕັດສິນຂອງສານອະນຸຍາໂຕຕຸລາການຕັດສິນບັນຫາທະເລຈີນໃຕ້ຂອງຟີລິບປິນຈະຕົກລົງວ່າ ພາກພື້ນແຫ່ງນີ້ແມ່ນພັດທະນາຈະເລີນໂດຍອາໄສກົດໝາຍແລະກົດລະບຽບ ຫຼືສຸດແລ້ວແຕ່ກຳລັງຕົວຈິງ. ຝ່າຍອາເມລິກາຮຽກຮ້ອງໃຫ້ຈີນແລະຟີລິບປິນເຄົາລົບຜົນການຕັດສິນ,ແລະຮຽກຮ້ອງໃຫ້ຝ່າຍກ່າວຟ້ອງຫຼີກລຽງການກະທຳທີ່ທ້າທາຍເກາະຜິດ.
ກ່ຽວກັບເລື່ອງນີ້, ທ່ານຫົງເຫຼີຍກ່າວວ່າ: ການຕັດສິນທີ່ສະເໜີໂດຍລັດຖະບານອາກີໂນ 3 ຂອງຟີລິບປິນແຕ່ຝ່າຍດຽວນັ້ນ,ໄດ້ບິດເບືອນວັດຖຸປະສົງຂອງ"ສົນທິສັນຍາສະຫະປະຊາຊາດວ່າດ້ວຍກົດໝາຍທະເລ",ໄດ້ທ້າທາຍຕໍ່"ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້"ເຊິ່ງເປັນກົດລະບຽບຂອງພາກພື້ນ, ເປັນການຕໍ່ຕ້ານກົດໝາຍແລະກົດລະບຽບດ້ວຍການຊູຄັນທຸງກົດໝາຍແລະກົດລະບຽບ. ຝ່າຍຈີນບໍ່ຮັບເອົາ ບໍ່ເຂົ້າຮ່ວມອັນທີ່ວ່າສານອະນຸຍາໂຕຕຸລາການຕັດສິນບັນດາທະເລຈີນໃຕ້ແລະຜົນການຕັດສິນນັ້ນ,ກໍ່ແມ່ນເພື່ອປົກປັກຮັກສາ"ສົນທິສັນຍາສະຫະປະຊາຊາດວ່າດ້ວຍກົດໝາຍທະເລ"ແລະ"ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້", ແມ່ນການປະຕິບັດຕາມກົດໝາຍ,ເປັນການປົກປັກຮັກສາກົດໝາຍແລະກົດລະບຽບສາກົນຢ່າງແທ້ຈິງ. ຫຼັກໝັ້ນຂອງຈີນຈະບໍ່ມີການປ່ຽນແປງ.
ທ່ານຫົງເຫຼີຍຍັງກ່າວວ່າ: ຝ່າຍທີ່ກ່ຽວຂ້ອງເຈດຕະນາຢາກບັງຄັບຈີນຮັບເອົາຜົນການຕັດສິນດ້ວຍການໃຊ້ຄວາມກົດດັນດ້ານການຕ່າງປະເທດແລະການໂຄສະນາຫຼອກລວງດ້ານຫາງສຽງນັ້ນ ພຽງແຕ່ແມ່ນຄວາມຝັນຊື່ໆເທົ່ານັ້ນ, ພວກເຮົາເຕືອນໃຫ້ເຂົາປະລະຄວາມເຈດຕະນາທີ່ເສຍແຮງລ້າໆຄືແນວນີ້ໂດຍໄວ.