ທ່ານເງວໂຈບິງ ຮອງຫົວໜ້າສະຖາບັນຄົ້ນຄວ້າຈີນຂອງມະຫາວິທະຍາໄລມາເລເຊຍຢືນຢັນໃນວັນທີ 10 ກໍລະກົດຢູ່ນະຄອນຫຼວງກົວລາລຳເປີປະເທດມາເລເຊຍວ່າ: ໃນບັນຫາທະເລຈີນໃຕ້, ການເຂົ້າຮ່ວມຂອງຝ່າຍທີສາມໃດໆລ້ວນແຕ່ຈະເຮັດໃຫ້ສະຖານະການມີຄວາມອ່ອນໄຫວຫຼາຍກວ່າທັງບໍ່ໝັ້ນທ່ຽງແລະກໍບໍ່ສາມາດຄາດຄະເນໄດ້.
ທ່ານກ່າວວ່າ: ສິ່ງທີ່ບັນດາຝ່າຍຕ້ອງການໃນປັດຈຸບັນຄືດຳເນີນການປຶກສາຫາລືກົດແຫ່ງການປະພຶດໃນທະເລຈີນໃຕ້ໃຫ້ສຳເລັດດ້ວຍຄວາມໃຈເຢັນແລະມີເຫດຜົນ, ແລ້ວຈິ່ງສ້າງຂອບບັນຫາກ່ຽວຂ້ອງເພື່ອນຳໃຊ້ເຂົ້າໃນການແກ້ໄຂເຫດການລັກສະນະນີ້ທີ່ອາດຈະເກີດຂຶ້ນໃນຕໍ່ໜ້າ.
ທ່ານເອຊຸນໂຮ ນັກຄົ້ນຄວ້າລະດັບສູງຂອງສະຖາບັນຄົ້ນຄວ້າການປ້ອງກັນຊາດແລະຍຸດທະສາດວິທະຍາໄລຄົ້ນຄວ້າສາກົນຣາຈາຣັດນາມມະຫາວິທະຍາໄລເຕັກໂນໂລຊີນານຢາງສິງກະໂປ, ອະດີດເລຂາການເມືອງນາຍົກລັດຖະມົນຕີສິງກະໂປຢືນຢັນວ່າ ໃນບັນຫາທະເລຈີນໃຕ້, ບັນດາຝ່າຍຄວນສ້າງຄວາມໄວ້ເນື້ອເຊື່ອໃຈກັນ,ເປີດການປຶກສາຫາລືຄືນໃໝ່. ປັດຈຸບັນ, ສິ່ງທີ່ບັນດາຝ່າຍຂາດເຂີນທີ່ສຸດຄືຄວາມໄວ້ເນື້ອເຊື່ອໃຈກັນ. ຈາກກໍລະນີນີ້, ການແຊກແຊງຂອງຝ່າຍທີສາມຈະບໍ່ສາມາດເພີ່ມການສ້າງຄວາມໄວ້ເນື້ອເຊື່ອໃຈກັນ, ແຕ່ຍິ່ງຈະເຮັດໃຫ້ບັນຫາສັບສົນຂຶ້ນເທົ່ານັ້ນ.
 |
