ຈີນບໍ່ຮັບຮອງ ແລະບໍ່ຍອມຮັບຜົນການຕັດສິນກ່ຽວກັບທະເລຈີນໃຕ້ທີ່ຟິລິບປິນສະເໜີແຕ່ຝ່າຍດຽວ
2016-07-12 18:33:25 cri
ວັນທີ 12 ກໍລະກົດນີ້ ສານອະນຸຍາໂຕຕຸລາການສາກົນໄດ້ປະກາດອັນທີ່ກ່າວອ້າງວ່າຜົນການຕັດສິນສຸດທ້າຍກ່ຽວກັບບັນຫາທະເລຈີນໃຕ້. ຕໍ່ກັບກໍລະນີດັ່ງກ່າວ ຈີນໄດ້ຖະແຫຼງຫຼາຍເທື່ອແລ້ວວ່າ, ລັດຖະບານເບນິກໂນ ອາກີໂນຂອງສາທາລະນະລັດຟິລິບປິນສະເໜີບັນຫາດັ່ງກ່າວໃຫ້ສານອະນຸຍາໂຕຕຸລາການສາກົນແຕ່ຝ່າຍດຽວນັ້ນໄດ້ລະເມີດກົດໝາຍສາກົນ, ສານອະນຸຍາໂຕຕຸລາການບໍ່ມີສິດໃນການຄອບຄອງໃນບັນຫານີ້, ສະນັ້ນ ຈີນຈະບໍ່ຮັບຮອງ ແລະບໍ່ຍອມຮັບຕໍ່ຜົນການຕັດສິນດັ່ງກ່າວ.