ລັດຖະບານຈີນອອກຖະແຫຼງການກ່ຽວກັບອະທິປະໄຕດ້ານດິນແດນ ແລະສິດຜົນປະໂຫຍດທາງທະເລໃນທະເລຈີນໃຕ້
2016-07-12 19:48:20 cri
ຕາມຂ່າວ CRI: ເພື່ອເປັນການຢ້ຳເຖິງອະທິປະໄຕດ້ານດິນແດນ ແລະສິດຜົນປະໂຫຍດທາງທະເລຂອງຈີນໃນທະເລຈີນໃຕ້, ເພີ່ມທະວີການຮ່ວມມືກັບບັນດາປະເທດຢູ່ທະເລຈີນໃຕ້ ແລະປົກປັກຮັກສາສັນຕິພາບແລະສະຖຽນລະພາບໃນທະເລຈີນໃຕ້, ວັນທີ 12 ກໍລະກົດນີ້, ລັດຖະບານສາທາລະນະລັດປະຊາຊົນຈີນອອກຖະແຫຼງການກ່ຽວກັບອະທິປະໄຕດ້ານດິນແດນ ແລະສິດຜົນປະໂຫຍດທາງທະເລໃນທະເລຈີນໃຕ້.
ຖະແຫຼງການລະບຸວ່າ: ເກາະດອນຕ່າງໆໃນທະເລຈີນໃຕ້ລວມທັງໝູ່ເກາະຕົ່ງຊາ, ໝູ່ເກາະຊີຊາ, ໝູ່ເກາະຈົ່ງຊາ ແລະໝູ່ເກາະໜານຊາ. ປະຊາຊົນຈີນເຄື່ອນໄວຢູ່ທະເລຈີນໃຕ້ເປັນເວລາ 2 ພັນກວ່າປີມາແລ້ວ. ຈີນແມ່ນປະເທດທີ່ຄົ້ນພົບ, ຕັ້ງຊື່ ແລະ ພັດທະນານຳໃຊ້ບັນດາເກາະດອນ ແລະເຂດອ້ອມແອ້ນຢູ່ທະເລຈີນໃຕ້ກ່ອນປະເທດອື່ນໝົດ, ແມ່ນປະເທດທີ່ໃຊ້ອຳນາດອະທິປະໄຕ ແລະຄອບຄອງເກາະດອນຕ່າງໆໃນທະເລຈີນໃຕ້ ແລະເຂດທະເລອ້ອມຂ້າງໂດຍສັນຕິຢ່າງຕໍ່ເນື່ອງ ແລະມີປະສິດທິຜົນກ່ອນປະເທດອື່ນໝົດ, ອັນໄດ້ເປັນການກຳນົດອະທິປະໄຕດ້ານດິນແດນ ແລະສິດທິຜົນປະໂຫຍດທີ່ກ່ຽວຂ້ອງຂອງຈີນໃນທະເລຈີນໃຕ້. ຫຼັງຈາກສົງຄາມໂລກຄັ້ງທີ 2 ສິ້ນສຸດລົງແລ້ວ, ຈີນໄດ້ກູ້ຄືນເກາະດອນຕ່າງໆຢູ່ທະເລຈີນໃຕ້ທີ່ຖືກຍີ່ປຸ່ນຍຶດຄອງຢ່າງຜິດກົດໝາຍໃນໄລຍະກໍ່ສົງຄາມຮຸກຮານຈີນ, ແລະໄດ້ຟື້ນຟູໃຊ້ອຳນາດອະທິປະໄຕຕໍ່ເກາະດອນເຫຼົ່ານີ້. ນັບແຕ່ສ້າງຕັ້ງຂຶ້ນເມື່ອວັນທີ 1 ຕຸລາ 1949 ເປັນຕົ້ນມາ, ສາທາລະນະລັດປະຊາຊົນຈີນເດັດດ່ຽວປົກປັກຮັກສາອະທິປະໄຕດ້ານດິນແດນ ແລະສິດຜົນປະໂຫຍດທາງນທະເລຂອງຕົນໃນທະເລຈີນໃຕ້. ບົນພື້ນຖານພຶດຕິກຳໃນປະຫວັດສາດທີ່ຍາວນານຂອງປະຊາຊົນ ແລະລັດຖະບານຈີນ ພ້ອມກັບຫຼັກໝັ້ນນສະເໝີຕົ້ນສະເໝີປາຍຂອງລັດຖະບານຈີນທຸກຊຸດມານີ້, ແລະອີງຕາມກົດໝາຍພາຍໃນປະເທດຈີນ ກໍ່ຄືກົດໝາຍສາກົນລວມທັງ 《ສົນທິສັນຍາສະຫະປະຊາຊາດວ່າດ້ວຍກົດໝາຍທະເລ》, ອະທິປະໄຕດ້ານດິນແດນ ແລະສິດຜົນປະໂຫຍດທາງທະເລຂອງຈີນໃນທະເລຈີນໃຕ້ລວມມີ: ໜຶ່ງ, ຈີນມີອອຳນາດະທິປະໄຕ ເໜືອເກາະດອນທັງໝົດຢູ່ທະເລຈີນໃຕ້ ເຊິ່ງລວມທັງໝູ່ເກາະຕົ່ງຊາ, ໝູ່ເກາະຊີຊາ, ໝູ່ເກາະຈົ່ງຊາ ແລະໝູ່ເກາະໜານຊາ; ສອງ, ຢູ່ລະຫວ່າງເກາະດອນຕ່າງໆຂອງທະເລຈີນໃຕ້ມີເຂດນ້ຳພາຍໃນ, ນ່ານທະເລ ແລະເຂດຕິດຕໍ່(contiguous zone)ຂອງຕົນເອງ; ສາມ, ເກາະດອນຕ່າງໆຂອງຈີນໃນທະເລຈີນໃຕ້ມີເຂດເສດຖະກິດສະເພາະ ແລະໄຫຼ່ທະວີບຂອງຕົນເອງແລະ ສີ່, ຈີນມີສິດສືບເນື່ອງຈາກປະຫວັດສາດຕໍ່ທະເລຈີນໃຕ້.
ຖະແຫຼງການລະບຸວ່າ, ຈີນເດັດດ່ຽວຄັດຄ້ານປະເທດຈຳນວນໜຶ່ງຍຶດຄອງເກາະດອນສ່ວນໜຶ່ງຂອງໝູ່ເກາະໜານຊາຂອງຈີນ ແລະມີການກະທຳແບບລ່ວງລະເມີດສິດຢູ່ເຂດທະເລທີ່ຈີນຄອບຄອງ. ຈີນຍິນດີສືບຕໍ່ຮ່ວມກັບຝ່າຍທີ່ກ່ຽວຂ້ອງກັບບັນຫານີ້ໂດຍກົງແກ້ໄຂບັນຫາທະເລຈີນໃຕ້ດ້ວຍສັນຕິວິທີໂດຍຜ່ານການເຈລະຈາກັນ ບົນພື້ນຖານເຄົາລົບຄວາມເປັນຈິງໃນປະຫວັດສາດ ແລະອີງຕາມກົດໝາຍສາກົນ. ຈີນຍິນດີຮ່ວມກັບປະເທດທີ່ກ່ຽວພັນກັບບັນຫານີ້ໂດຍກົງທຳຄວາມພະຍາ ຍາມທຸກຢ່າງເພື່ອທຳການຈັດຕັ້ງປະຕິບັດຊົ່ວຄາວທີ່ມີເນື້ອໃນຕົວຈິງ, ລວມທັງ ພັດ ທະນາຮ່ວມກັນຢູ່ເຂດທະເລທີ່ກ່ຽວຂ້ອງ, ເພື່ອບັນລຸຕາງຝ່າຍຕ່າງມີ ຜົນປະໂຫຍດ, ແລະຮ່ວມກັນປົກປັກຮັກສາສັນຕິພາບ ແລະສະຖຽນລະພາບໃນທະເລຈີນໃຕ້.
ຖະແຫຼງການລະບຸວ່າ, ຈີນເຄົາລົບ ແລະສະໜັບສະໜູນປະເທດຕ່າງໆ ເດີນເຮືອ ແລະບິນຜ່ານທະເລຈີນໃຕ້ຢ່າງເສລີຕາມກົດໝາຍສາກົນ, ແລະຍິນດີຮ່ວມມືກັບປະເທດອື່ນໆທີ່ຢູ່ຕາມຝັ່ງທະເລຈີນໃຕ້ແລະປະຊາຄົມໂລກ, ປົກປັກຮັກສາຄວາມປອດໄພ ແລະຄວາມສະດວກໃນການເດີນຕາມເສັ້ນທາງເດີນເຮືອ ແລະເດີນອາກາດສາກົນໃນທະເລຈີນໃຕ້.