ຫຼັງຈາກສານອະນຸຍາໂຕຕຸລາການຕັດສິນບັນຫາທະເລຈີນໃຕ້ໄດ້ປະກາດຄຳຕັດສິນສຸດທ້າຍທີ່ເປັນໂມຄະແລະຜິດກົດໝາຍແລ້ວ, ຫ້ອງການຖະແຫຼງຂ່າວລັດຖະບານຈີນໄດ້ນຳສະເໜີປຶ້ມປົກຂາວ "ຈີນຍຶດໝັ້ນການເຈລະຈາແກ້ໄຂຂໍ້ຂັດແຍ້ງລະຫວ່າງຈີນກັບຟີລິບປິນຢູ່ທະເລຈີນໃຕ້"ໃນວັນທີ 13 ກໍລະກົດນີ້.
ທ່ານເຊລີ້ ຫົວໜ້າຫ້ອງຄົ້ນຄວ້າຍຸດທະສາດສາກົນສະຖາບັນຄົ້ນຄວ້າເສດຖະກິດແລະການເມືອງໂລກຂອງສະຖາບັນວິທະຍາສາດສັງຄົມແຫ່ງຊາດຈີນກ່າວວ່າ: ປຶ້ມປົກຂາວໃນຮູບແບບເອກະສານລັດຖະບານໄດ້ບັນລະຍາຍຢ່າງເປັນລະບົບກ່ຽວກັບຄວາມຈິງທີ່ວ່າ ອະທິປະໄຕຂອງຈີນເໜືອເກາະດອນຕ່າງໆໃນທະເລຈີນໃຕ້ໄດ້ກຳນົດໄວ້ແລ້ວໃນປະຫວັດສາດເຊິ່ງໄດ້ສ່ອງແສງໃຫ້ເຫັນເຖິງທ່າທີແລະຈຸດຢືນທີ່ໜັກແໜ້ນຂອງທາງການ.
ທ່ານຫານອ້າຍຢົງ ຮອງສາສະດາຈານສະຖາບັນຄົ້ນຄວ້າຍຸດທະສາດສາກົນໂຮງຮຽນທິດສະດີສູນກາງພັກກອມມູນິດຈີນກ່າວວ່າ: ຫົວຂໍ້ຂອງປຶ້ມປົກຂາວຄື ຈີນຍຶດໝັ້ນການເຈລະຈາແກ້ໄຂຂໍ້ຂັດແຍ້ງລະຫວ່າງຈີນກັບຟີລິບປິນຢູ່ທະເລຈີນໃຕ້ ເຊິ່ງສະແດງໃຫ້ເຫັນວ່າຈີນມີຄວາມ ພະຍາຍາມຮ່ວມກັບປະເທດກ່ຽວຂ້ອງເພື່ອແກ້ໄຂຂໍ້ຂັດແຍ້ງໃຫ້ເໝາະສົມແລະປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້.
 |
