ວັນທີ 15 ກໍລະກົດນີ້, "ກອງປະຊຸມສຳມະນາກົດໝາຍກ່ຽວກັບການແກ້ໄຂຄວາມຂັດແຍ້ງກັນທາງທະເລ" ທີ່ສະມາຄົມວິຊາການກົດໝາຍສາກົນຈີນແລະສູນອະນຸຍາໂຕຕຸລາການສາກົນຮົງກົງຈີນເປັນເຈົ້າພາບຮ່ວມໄດ້ຈັດຂຶ້ນຢູ່ສູນວາງສະແດງຮົງກົງ. ໃນໂອກາດໃຫ້ສຳພາດຕໍ່ນັກຂ່າວ, ທ່ານທິໂມຊິ ເຈ ເຟີຣິ, ທະນາຍຄວາມຂອງຫ້ອງການທະນາຍຄວາມ Arent Fox ເຊິ່ງເປັນຫ້ອງການທະນາຍຄວາມທີ່ມີຊື່ສຽງຂອງອາເມລິກາທີ່ເຂົ້າຮ່ວມກອງປະຊຸມດັ່ງກ່າວກ່າວວ່າ, ຮູ້ສຶກປະຫຼາດໃຈທີ່ສຸດຕໍ່ຜົນການຕັດສິນຂອງສານອະນຸຍາໂຕຕຸລາການ.
ທ່ານທິໂມຊິ ເຈ ເຟີຣິ ກ່າວວ່າ, ສິ່ງທີ່ຕົນເອງສົນໃຈນັ້ນແມ່ນສານອະນຸຍາໂຕຕຸລາ ການ ມີສິດຄຸ້ມຄອງຫຼືບໍ່? ທ່ານກ່າວວ່າ, ສານອະນຸຍາໂຕຕຸລາການແມ່ນປະກາດຜົນການຕັດສິນດັ່ງກ່າວບົນພື້ນຖານທີ່ຕົນເອງມີສິດຄຸ້ມຄອງ, ນີ້ເຮັດໃຫ້ຄົນປະຫຼາດໃຈທີ່ສຸດ. ເພາະວ່າກ່ອນການຕັດສິນ, ຈີນໄດ້ອອກຖະແຫຼງການໂດຍອີງຕາມຂໍ້ມາດຕາ 298 ຂອງ "ສົນທິສັນຍາກົດໝາຍທະເລອົງການສະຫະປະຊາຊາດ", ໂດຍຖືເອົາຄວາມຂັດແຍ້ງກັນທີ່ກ່ຽວພັນເຖິງການຂີດແບ່ງເຂດທະເລ, ອ່າວທະເລປະຫວັດສາດຫຼືສິດອະທິປະໄຕເປັນຕົ້ນຢູ່ນອກປາສະຈາກລະບຽບການແກ້ໄຂຄວາມຂັດແຍ້ງແບບບັງຄັບຂອງ "ສົນທິສັນຍາກົດມໝາຍທະເລອົງການສະຫະປະຊາຊາດ" ແລ້ວ.
ຂະນະດຽວກັນນັ້ນທ່ານ ທິໂມຊິ ເຈ ເຟີຣິກ່າວວ່າ, ດີໃຈທີ່ໄດ້ເຫັນຈີນສືບຕໍ່ຍິນດີສຸມກຳລັງເພື່ອແກ້ໄຂຄວາມຂັດແຂ້ງກັນກ່ຽວກັບທະເລຈີນໃຕ້ໂດຍຜ່ານການເຈລະຈາສັນຕິພາບ.
ທ່ານເຫັນວ່າ, ສຳລັບຈີນແລະຟີລິບປີນແລ້ວ, ການກັບຄືນສູ່ໂຕະເຈລະຈາແມ່ນການຄັດເລືອກທີ່ດີທີ່ສຸດ. ປັດຈຸບັນ, ການເຈລະຈາແມ່ນວິທີດີທີ່ສຸດຂອງຈີນທີ່ຮັກສາອະທິປະໄຕແລະຄວາມປອດໄພຂອງຈີນ.