ວັນທີ 18 ກໍລະກົດນີ້ທີ່ນະຄອນຫຼວງປັກກິ່ງສປຈີນ, ທ່ານສາງວ້ານສວນ ທີ່ປຶກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນໄດ້ພົບປະເຈລະຈາກັບທ່ານພົນໂທຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ສປປ ລາວ.
ໂອກາດດັ່ງກ່າວ,ທ່ານສາງວ້ານສວນກ່າວວ່າ: ປີນີ້ເປັນປີຄົບຮອບ 55 ປີຂອງການສ້າງຕັ້ງສາຍພົວພັນທາງການທູດຈີນ-ລາວ, ສາຍພົວພັນລະຫວ່າງສອງປະເທດກຳລັງເປັນໂອກາດສຳຄັນແຫ່ງການພັດທະນາ. ຫວັງວ່າສອງກອງທັບຈີນ-ລາວຈະຮັກສາການແລກປ່ຽນຢ້ຽມຢາມເຊິ່ງກັນແລະກັນ, ລົງເລິກການຮ່ວມມືທີ່ມີການປະຕິບັດຕົວຈິງ ເພື່ອສະໜອງສິ່ງຮັບປະກັນໃຫ້ແກ່ການສ້າງຄວາມເຂັ້ມແຂງຕໍ່ຄວາມໝັ້ນຄົງແລະການພັດທະນາຂອງສອງປະເທດ. ຈີນສະແດງຄວາມຂອບໃຈລາວທີ່ມີຈຸດຢືນທ່ຽງທຳແລະສະໜັບສະໜູນຈີນຢ່າງແຂງແຮງໃນບັນຫາທະເລຈີນໃຕ້.
ທ່ານຈັນສະໝອນກ່າວວ່າ: ລາວ-ຈີນເປັນເພື່ອນບ້ານສະໜິດກັນ, ຫວັງວ່າສອງຝ່າຍເພີ່ມທະວີການແລກປ່ຽນແລະຮ່ວມມືໃນຂະແໜງການຕ່າງໆຕື່ມອີກ. ລາວສະໜັບສະໜູນຫຼັກໝັ້ນຂອງຈີນໃນບັນຫາສາກົນແລະພາກພື້ນມາໂດຍຕະຫຼອດທັງຫວັງໃຫ້ຝ່າຍທີ່ກ່ຽວຂ້ອງເຈລະຈາກັນເພື່ອແກ້ໄຂຂໍ້ຂັດແຍ້ງໃນທະເລຈີນໃຕ້ດ້ວຍສັນຕິວິທີ.
 |
