ວັນທີ 18 ກໍລະກົດນີ້, ທ່ານ ຟຣານຊິສໂຄ ຕາຕາດ ນັກຂຽນປະຈຳຄໍລຳຟິລິບປິນໄດ້ຂຽນບົດຄວາມທີ່ພາດຫົວວ່າ "ບຸກທະລຸຄວາມຫຍຸ້ງຍາກຂອງບັນຫາທະເລຈີນໃຕ້" ລົງ "ໜັງສືພິມມະນີລາທາມສ໌" ທີ່ເປັນສື່ມວນຊົນສຳຄັນຂອງຟິລິບປິນໂດຍຊີ້ໃຫ້ເຫັນວ່າລັດຖະບານຂອງທ່ານ ເບນິກໂນ ອາກີໂນ Ⅲ ອະດີດປະທານາທິບໍດີຟິລິບປິນຄວນເປີດເຜີຍຄວາມຈິງໃນຄະດີຕັດສິນບັນຫາທະເລຈີນໃຕ້ຕໍ່ມວນຊົນ.
ບົດຄວາມຂອງທ່ານ ຕາຕາດ ຂຽນວ່າ, ລັດຖະທຳມະນູນຟິລິບປິນໄດ້ກຳນົດໃຫ້ລັດຖະບານໃຊ້ງົບປະມານຕ້ອງອີງໃສ່ທາງກົດໝາຍ, ຂະນະທີ່ລັດຖະບານອາກີໂນໄດ້ຈ້າງທະນາຍວ່າຄວາມຄະດິດັ່ງກ່າວໂດຍຈ່າຍເຖິງ 30 ລ້ານໂດລາສະຫະລັດ. ແນວໃດກໍດີ, ນອກຈາກບໍ່ໄດ້ເປີດເຜີຍສະພາບການໃຊ້ງົບປະມານໃນຄະດີດັ່ງກ່າວແລ້ວ, ຄວາມເປັນຈິງຂອງຄະດີດັ່ງກ່າວນັ້ກໍບໍ່ເຄີຍຈິງໃຈເປີດເຜີຍຕໍ່ມວນຊົນແຕ່ໃດມາ.
ທ່ານ ຕາຕາດ ເປັນນັກຂ່າວແລະນັກການເມືອງທີ່ມີຊື່ສຽງຂອງຟິລິບປິນແລະເຄີຍດຳລົງຕຳແໜ່ງເປັນລັດຖະມົນຕີແລະສະມາຊິກສະພາສູງຂອງປະເທດດັ່ງກ່າວ.