ຕາມຂ່າວ CRI: ວັນທີ 21 ກໍລະກົດນີ້ຢູ່ນະຄອນຫຼວງປັກກິ່ງ ສປ ຈີນ, ໄດ້ຈັດການສຳມະນາຜູ້ຊ່ຽວຊານກົດໝາຍກ່ຽວກັບຄະດີຕັດສິນບັນຫາທະເລຈີນໃຕ້ ໂດຍຜູ້ຊ່ຽວຊານແລະນັກວິຊາການດ້ານກົດໝາຍທະເລແລະກົດໝາຍສາກົນຈາກກະຊວງຫຼືອົງການທຽບເທົ່າກໍຄືມະຫາວິທະຍາໄລແລະສະຖາບັນການສຶກສາຊັ້ນສູງຂອງຈີນ 60 ກວ່າທ່ານໄດ້ເຂົ້າຮ່ວມເພື່ອວິເຄາະທາງກົດໝາຍກ່ຽວກັບອັນທີ່ກ່າວອ້າງວ່າຄຳຕັດສິນບັນຫາທະເລຈີນໃຕ້ຂອງສານອະນຸຍາໂຕຕຸລາການຊົ່ວຄາວທີ່ໄດ້ທຳລາຍອະທິປະໄຕແລະຜົນປະໂຫຍດທາງທະເລຂອງຈີນຢ່າງຮຸນແຮງ.
ທ່ານ ເສີນຈີ້ຜິງ ຊ່ຽວຊານຈາກສະມາຄົມນິຕິສາດຈີນກ່າວວ່າ, ເບິ່ງໃນແງ່ນັກນິຕິສາດແລ້ວ, ການຕັດສິນດັ່ງກ່າວບໍ່ວ່າຈະເປັນການຕັດສິນສິດຄອບຄອງຫຼືຕັດສິນຄະດີລ້ວນແຕ່ຜິດພາດຫຼາຍ, ຂະນະທີ່ການໃຊ້ກົດໝາຍກໍບໍ່ມີບ່ອນອີງ. ແນວໃດກໍດີ, ອັນທີ່ກ່າວອ້າງວ່າ "ຄຳຕັດສິນ" ນັ້ນໄດ້ປະຕິເສດຄວາມຈິງຂອງປະຫວັດສາດທັງບໍ່ເອົາຫົວໃສ່ໃຈຊາຕໍ່ຄວາມຍຸຕິທຳແລະພາວະວິໄສໂດຍໄດ້ບິດເບືອນລະບຽບສາກົນຕາມລຳພັງໃຈ ແລະເປັນການຢຽບຢ່ຳຄວາມຍຸຕິທຳ, ຄວາມເປັນທຳກໍຄືຈິດໃຈປົກຄອງຕາມກົດໝາຍໃນສາກົນ ເຊິ່ງຈີນບໍ່ຮັບຮອງແລະບໍ່ປະຕິບັດຕາມການຕັດສິນທີ່ໄຮ້ເຫດຜົນດັ່ງກ່າວຢ່າງເດັດຂາດ.
ທ່ານ ເສີນຈີ້ຜິງ ກ່າວຕື່ມວ່າ, ບັນດາຊ່ຽວຊານທີ່ເຂົ້າຮ່ວມມີໜ້າທີ່ນຳໃຊ້ຂໍ້ກຳນົດຂອງກົດໝາຍແລະທິດສະດີນິຕິສາດ ເພື່ອເປີດເຜີຍທາດແທ້ຂອງສານອະນຸຍາໂຕຕຸລາການຊົ່ວຄາວກໍຄືທາດແທ້ອັນຊົ່ວຊ້າທີ່ໄດ້ລະເມີດກົດໝາຍສາກົນແລະຄວາມຍຸຕິທຳຄວາມເປັນທຳສາກົນໃນການຕັດສິນດັ່ງກ່າວ.