ການສຳມະນາຊ່ຽວຊານກົດໝາຍກ່ຽວກັບການຕັດສິນຄະດີບັນຫາທະເລຈີນໃຕ້ໄດ້ຈັດຂຶ້ນໃນວັນທີ 21 ກໍລະກົດນີ້ຢູ່ນະຄອນຫຼວງປັກກິ່ງ ສປ ຈີນ,ໂດຍນັກວິຊາການດ້ານກົດໝາຍທະເລແລະກົດໝາຍລະຫວ່າງຊາດ 60 ກວ່າທ່ານຈາກກະຊວງການຕ່າງປະເທດຈີນ,ກົມທະເລແຫ່ງຊາດຈີນ, ສະຖາບັນວິທະຍາສາດສັງຄົມແຫ່ງຊາດຈີນແລະອົງການອື່ນໆໄດ້ວິເຄາະທາງນິຕິທຳຕໍ່ຄຳຕັດສິນບັນຫາທະເລຈີນໃຕ້ຂອງສານອະນຸຍາໂຕຕຸລາການຊົ່ວຄາວຢ່າງລະອຽດ.
ທ່ານເສິນຈິ້ຜິງ ຮອງປະທານປະຈຳການສະມາຄົມນິຕິສາດຈີນກ່າວວ່າ: ຄຳຕັດສິນທີ່ປະກາດໂດຍສານອະນຸຍາໂຕຕຸລາການຊົ່ວຄາວກ່ຽວກັບຄະດີບັນຫາທະເລຈີນໃຕ້ນັ້ນ,ບໍ່ວ່າຈະເປັນຄະດີກ່ຽວກັບສິດຄອບຄອງຫຼືການດຳເນີນຄະດີຕົວຈິງນັ້ນລ້ວນແຕ່ມີຄວາມຜິດພາດຢ່າງຫຼວງຫຼາຍ, ການໃຊ້ກົດໝາຍກໍບໍ່ມີຫຼັກອ້າງອີງພຽງພໍທັງເປັນການຢຽບຢ່ຳຄວາມທ່ຽງທຳຍຸຕິທຳສາກົນແລະຈິດໃຈກົດໝາຍສາກົນ.
ສະມາຄົມນິຕິສາດຈີນໄດ້ອອກຖະແຫຼງການວ່າ: ສົນທິສັນຍາວ່າດ້ວຍກົດໝາຍທະເລມີຈຸດປະສົງເພື່ອສ້າງລະບຽບການກົດໝາຍທະເລບົນພື້ນຖານເຄົາລົບອະທິປະໄຕຂອງປະເທດ, ສິ່ງທີ່ສານອະນຸຍາໂຕຕຸລາການເຮັດມານັ້ນໄດ້ຝ່າຝືນຫຼັກການພື້ນຖານທີ່ກຳນົດໄວ້ໃນສົນທິສັນຍາດັ່ງກ່າວນັ້ນຢ່າງໜັກໜ່ວງທັງໄດ້ຝ່າຝືນຈິດໃຈຂອງສົນທິສັນຍາທີ່ໃຫ້ແກ້ໄຂຂໍ້ຂັດແຍ້ງທາງກົດໝາຍທະເລດ້ວຍຄວາມເຂົ້າໃຈແລະຮ່ວມມືກັນ, ໃຊ້ 2 ມາດຕະຖານຕໍ່ຫຼັກໝັ້ນຂອງຈີນແລະຟີລິບປິນອັນໄດ້ຝ່າຝືນຄວາມທ່ຽງທຳແລະຍຸຕິທຳຢ່າງຮ້າຍແຮງ.
 |
