ກອງປະຊຸມຜູ້ຊ່ຽວຊານດ້ານກົດໝາຍກ່ຽວກັບຄະດີການຕັດສິນບັນຫາທະເລຈີນໃຕ້ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 21 ກໍລະກົດນີ້ ໂດຍທ່ານ ຊ່ຽວຈ້ຽນໂກ໋ ຮອງຫົວໜ້າກົມວຽກງານຊາຍແດນແລະທະເລຂອງກະຊວງການຕ່າງປະເທດຈີນໃຫ້ສຳພາດຕໍ່ນັກຂ່າວວ່າ: ຖ້າເຮັດຕາມກົດໝາຍສາກົນແລ້ວ, ການຕັດສິນດັ່ງກ່າວຈະກາຍເປັນໂຕແບບຂອງຄະດີອະທຳກໍລະນີໜຶ່ງ.
ຫຼັງຈາກສານອະນຸຍາໂຕຕຸລາການຊົ່ວຄາວໄດ້ປະກາດຜົນການຕັດສິນຄະດີບັນຫາທະເລຈີນໃຕ້ໃນວັນທີ 12 ກໍລະກົດນີ້ແລ້ວ, ຟີລິບປິນໄດ້ຖືເອົາເປັນຫຼັກຖານອ້າງອີງອາດຈະນັບມື້ຫຼາຍຂຶ້ນ ໂດຍເຫັນໄດ້ໃນກໍລະນີທີ່ມີຊາວປະມົງຟີລິບປິນຮຽກຮ້ອງໃຫ້ຈີນຖອນອອກຈາກເຂດທະເລທີ່ມີຄວາມຂັດແຍ້ງກັນແລະອື່ນໆ. ຕໍ່ເລື່ອງນີ້, ທ່ານ ຊ່ຽວຈ້ຽນໂກ໋ ກ່າວວ່າ: ການຕັດສິນດັ່ງກ່າວແມ່ນຜິດກົດໝາຍແລະບໍ່ມີຜົນສັກສິດ, ສະນັ້ນຈີນຈະບໍ່ຮັບຮອງຢ່າງເດັດຂາດທັງຈະບໍ່ປະຕິບັດຕາມ ແລະຈະບໍ່ຮັບເອົາຈຸດຢືນແລະການກະທຳໃດໆຂອງຟີລິບປິນທີ່ຖືເອົາຜົນການຕັດສິນດັ່ງກ່າວເປັນຫຼັກຖານອ້າງອີງ.
ທ່ານ ຊ່ຽວຈ້ຽນໂກ໋ ຊີ້ໃຫ້ເຫັນວ່າ: ການປຶກສາຫາລືແລະການເຈລະຈາແມ່ນທາງອອກພຽງໜຶ່ງດຽວໃນການແກ້ໄຂຄວາມຂັດແຍ້ງກັນ, ແຕ່ການທີ່ຈີນແລະຟີລິບປິນຈະເຈລະຈາກັນຄວນຢູ່ບົນພື້ນຖານເງື່ອນໄຂເບື້ອງຕົ້ນ ຄືບໍ່ເອົາຜົນການຕັດສິນດັ່ງກ່າວເປັນພື້ນຖານຂອງການເຈລະຈາ. ສາຍພົວພັນລະຫວ່າງຈີນ-ຟີລິບປິນຈະມີບັນຫາຫຼືບໍ່ບໍ່ແມ່ນຂຶ້ນກັບຈີນແຕ່ຝ່າຍດຽວ.