ຕາມຂ່າວສານຊິນຮວາ: ໃນວັນທີ 21 ກໍລະກົດນີ້, ຄະນະຜູ້ແທນກິລາໂອລິມປິກຈີນຊຸດທໍາອິດໄດ້ເດີນທາງເຖິງສູນຝຶກແອບກ່ອນການແຂ່ງຂັນໃນເມືອງເຊົາ ປາວໂລ (Sao Paulo) ປະເທດເບຼຊິນ ແລະ ຈະລື້ງພູມອາກາດ ແລະຄວາມຫຼຸດລື່ນກັນດ້ານເວລາ ເພື່ອກະກຽມຂັ້ນສຸດທ້າຍໃຫ້ແກ່ການແຂ່ງຂັນໃນມະຫະກໍາກິລາໂອລິມປິກຣີໂອເດີຊາເນໂລ.
ເຈົ້າໜ້າທີ່ກົມໃຫຍ່ກິລາແຫ່ງຊາດຈີນລາຍງານວ່າ, ນັກກິລາປິງປອງ ແລະ ລອຍນໍ້າເປັນທີມນັກກິລາທໍາອິດທີ່ໄປເຖິງສູນຝຶກແອບ ແລະ ແຕ່ເວລາວັນທີ 22 ກໍລະກົດ-ວັນທີ 15 ສິງຫາ, ນັກກິລາ 17 ປະເພດ ກໍຄືນັກກິລາເກືອບເຄິ່ງໜຶ່ງຈະໄປຝຶກແອບອົບອຸ່ນຮ່າງກາຍຢູ່ສູນດັ່ງກ່າວ. ສໍາລັບກິລາໂອລິມປິກຣີໂອນີ້ຈີນໄດ້ສົ່ງນັກກິລາ, ຄູຝຶກ ແລະ ເຈົ້າໜ້າທີ່ເກືອບ 400 ຄົນ. ຫຼັງຈາກສໍາເລັດການຝຶກແອບແລ້ວ, ຄະນະນັກກິລາຈີນຈະເດີນທາງເຂົ້າພັກຢູ່ບ້ານກິລາໂອລິມປິກຣີໂອ.