ວັນທີ 23 ກໍລະກົດນີ້, ທ່ານໂຈເຊ ເຊຣາ ລັດຖະມົນຕີວ່າການກະຊວງການຕ່າງປະເທດຂອງລັດຖະບານຊົ່ວຄາວແບຣຊິນປະກາດຢູ່ຣີໂອ ເດີ ຈາເນໂຣວ່າ, ປະມຸກລັດຫຼືຫົວໜ້າລັດຖະບານ 45 ທ່ານເຊິ່ງລວມທັງຟຼານຊົວ ອອອນລອງ ປະທານາທິບໍດີຝຣັ່ງ, ທ່ານມາເຕໂອເຣັນຊີ ນາຍົກລັດຖະມົນຕີອີຕາລີຢືນຢັນແລ້ວວ່າຈະເຂົ້າຮ່ວມພິທີໄຂງານກິລາໂອລິມປິກຣີໂອທີ່ຈະຈັດຂຶ້ນໃນວັນທີ 5 ສິງຫາໜ້ານີ້.
ທ່ານເຊຣາຢືນຢັນວ່າ, ປະມຸກລັດແລະຫົວໜ້າລັດຖະບານ 45 ທ່ານຈະເຂົ້າຮ່ວມພິທີໄຂງານກິລາໂອແລມປິກຣີໂອ, ນອກນີ້, ຍັງມີລັດຖະມົນຕີກະຊວງກິລາຂອງ 55 ປະເທດຈະເຂົ້າຮ່ວມພິທີໄຂງານກິລາໂອແລມປິກຣີໂອ. ທ່ານກ່າວວ່າ, ຫວ່າງມໍ່ໆນີ້, ການຂົ່ມຂູ່ຈາກການກໍ່ການຮ້າຍໃນໂລກໄດ້ເພີ່ມຂຶ້ນ, ການປ້ອງກັນການກໍ່ການຮ້າຍກໍ່ພົບຄວາມຫຍຸ້ງຍາກຫຼາຍຂຶ້ນ, ແຕ່ລັດຖະບານເບຣຊິນມີຄວາມໝັ້ນໃຈທີ່ຮັບປະກັນຄວາມປອດໄພຂອງຜູ່ນຳບັນດາປະເທດ, ແລະມີຄວາມໝັ້ນໃຈທີ່ຮັບປະກັນງານໂອແລມປິກດຳເນີນໄປດ້ວຍດີແລະປອດໄພ.