ລັດຖະມົນຕີຕ່າງປະເທດຈີນ: ຄວນຢຸດເຊົາການປັ້ນແຕ່ງກ່ຽວກັບຄະດີຕັດສິນບັນຫາທະເລຈີນໃຕ້ແລ້ວ
ວັນທີ 25 ກໍລະກົດນີ້,ພາຍຫຼັງໄດ້ເຂົ້າຣ່ວມກອງປະຊຸມລະດັບລັດຖະມົນຕີຕາປະເທດອາຊຽນ-ຈີນແລ້ວ, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວຈີນແລະຕ່າງປະເທດ, ໂດຍເນັ້ນວ່າ, ຜົນການຕັດສິນກ່ຽວກັບບັນຫາທະເລຈີນໃຕ້ເປັນຢຸກຢາທີ່ຜິດພາດສຳລັບບັນຫານີ້, ຄວນຢຸດເຊົາການປັ້ນແຕ່ງຕໍ່ໄປອີກແລ້ວ.
ທ່ານຫວາງຢີ້ກ່າວວ່າ, ຜົນການຕັດສິນທີ່ທຳອອກໂດຍສານອະນຸຍາໂຕຕຸລາການໃນຫວາງມໍ່ໆມານີ້ ເປັນຢຸກຢາທີ່ພິດພາດສຳລັບຄວາມຂັດແຍ້ງກັນທາງທະເລຈີນໃຕ້, ເຮັດໃຫ້ຄວາມຂັດແຍ້ງແລະການປັ້ນແຕ່ງຕ່າງໆໂດຍປິ່ນອ້ອມຜົນການຕັດສິນນັ້ນເຄັ່ງຕຶງຂຶ້ນ, ບາງປະເທດທີ່ບໍ່ຢູ່ໃນພາກພື້ນແຫ່ງນີ້ມີຄວາມຕື່ນເຕັ້ນຫູາຍໃນບັນຫານີ້, ອັນໄດ້ລົບກວນລະບຽບການປົກກະຕິຂອງພາກພື້ນແຫ່ງນີ້, ທຳລາຍຜົນປະໂຫຍດລວມຂອງປະເທດຕ່າງໆທີ່ຢູ່ພາກພື້ນແຫ່ງນີ້, ເຊິ່ງສະພາບການດັ່ງກ່າວພວມເຮັດໃຫ້ປະເທດນັບມື້ນັບຫຼາຍເກີດຄວາມວິຕົກກັງວົນແລະມີອາລົມຄັດຄ້ານ. ການເປີດຢາທີ່ຜິດພາດບໍ່ພຽງແຕ່ບໍ່ສາມາດປົວພະຍາດໃຫ້ເຊົາໄດ້ທໍ່ນັ້ນ, ຫາກຍັງຈະກະທົບເຖິງສຸກຂະພາບອີກດ້ວຍ. ສະນັ້ນ ພວກເຮົາຮຽກຮ້ອງໃຫ້ຢຸດເຊົາການປຸກປັ່ນແລະປັ້ນແຕ່ງທາງການເມືອງທີ່ໄຮ້ເຫດຜົນດັ່ງກ່າວໂດຍໄວ, ເພື່ອນຳເອົາຄວາມສະຫງົບໃຫ້ແກ່ທະເລຈີນໃຕ້ ແລະນຳເອົາສະຖຽນລະພາບມາໃຫ້ພາກພື້ນແຫ່ງນີ້.
