ຕາມຂ່າວCRI: ຫວ່າງມໍ່ໆມານີ້, ທີມຜູ້ອ່ານ "ເສັ້ນທາງແຫ່ງຊານຟຣານຊິສໂກ" ຊາວອາເມລິກາເຊື້ອສາຍຈີນ ແລະ ພະນັກງານຫໍສະໝຸດຫານເຟີ່ງໂຫຼໄດ້ປະກາດວ່າ: ພວກຕົນໄດ້ຮ່ວມກັນຊື້ວັດຈະນານຸກົມພູມສາດທີ່ບັນທຶກແຜນທີ່ຈີນເຫຼັ້ມໜຶ່ງຈາກນັກສະສົມແຜນທີ່ເດີມ. ໃນວັດຈະນານຸມກົມດັ່ງກ່າວມີເນື້ອໃນຂຽນຄວາມຈິງວ່າ:ໝູ່ເກາະຊີ່ຊ່າແມ່ນດິນແດນຂອງຈີນ.
ຂ່າວແຈ້ງວ່າ: ປຶ້ມແຜນທີ່ທັງເປັນວັດຈະນານຸກົມພູມສາດ Collier's World Atlas and Gazetteer ສະບັບປີ 1947 ດັ່ງກ່າວ ແຕ້ມໂດຍບໍລິສັດ Rand McNally ເຊິ່ງເປັນບໍລິສັດພິມຈຳໜ່າຍແຜນທີ່ທີ່ມີອິດທິພົນຂອງອາເມລິກາ ໂດຍຢູ່ໃນປຶ້ມເຫຼັ້ມນີ້ໄດ້ຂີດແບ່ງໝູ່ເກາະຊີ່ຊ່າເຂົ້າເປັນດິນແດນຂອງຈີນຢ່າງຈະແຈ້ງ.
ທ່ານນາງ ຈ່າວຊື່ຮົງ ເລຂາທິການໃຫຍ່ສະມາຄົມສະສົມຊາວອາເມລິກາເຊື້ອສາຍຈີນກ່າວເນັ້ນວ່າ: ປື້ມແຜນທີ່ທີ່ອາເມລິກາຮຽບຮຽງແລະຜະລິດນັ້ນເປັນຫຼັກຖານອ້າງອີງທີ່ສຳຄັນທີ່ສຸດທີ່ໄດ້ຢັ້ງຢືນວ່າທະເລຈີນໃຕ້ຂຶ້ນກັບຈີນ ທັງເປັນການຕອບໂຕ້ຄືນຕໍ່ຄຳເວົ້າທີ່ໄຮ້ສາລະຂອງສານອະນຸຍາໂຕຕຸລາການຊົ່ວຄາວກ່ຽວກັບຄະດີບັນຫາທະເລຈີນໃຕ້ທີ່ຟີລິບປິນຍື່ນຟ້ອງວ່າ: ເນື່ອທີ່ໝູ່ເກາະນານຊ່າບໍ່ສົມເປັນເກາະ.
