ຫວ່າງມໍ່ໆມານີ້ໃນໂອກາດໃຫ້ສຳພາດຕໍ່ນັກຂ່າວ, ທ່ານບຣຸສ ເຟັນ, ທະນາຍຄວາມກົດ ໝາຍສາກົນອາເມລິກາທີ່ີມີຊື່ສຽງກ່າວວ່າ, ອາເມລິກາໄດ້ປະຕິບັດສອງມາດຕະຖານໃນວຽກງານສາກົນແລະບໍ່ມີສິດສັ່ງສອນປະເທດອື່ນໆກ່ຽວກັບບັນຫາກົດໝາຍສາກົນ.
ພາຍຫຼັງສານອະນຸຍາໂຕຕຸລາການປະກາດຜົນການຕັດສິນ, ອາເມລິກາກໍອອກມາກ່າວວ່າຜົນການຕັດສິນມີສິດບັງຄັບໃຊ້ທາງກົດໝາຍ, ຫວັງໃຫ້ຈີນແລະຟີລິບປີນປະຕິບັດຕາມ. "ອາເມລິກາເອງບໍ່ໄດ້ລົງນາມໃນ 'ສົນທິສັນຍາກົດໝາຍວ່າດ້ວຍທະເລຂອງອົງການສະຫະປະຊາຊາດ', ມີສິດຫຍັງໄປສັ່ງສອນຕໍ່ປະເທດອື່ນ." ທ່ານເຟັນກ່າວວ່າ, " ໃຜມອບສິດທີ່ຊົງອິດທິພົນໃນຄວາມເປັນທຳໃຫ້ແກ່ອາເມລິກາ, ແຕ່ໂຕເອງພັດເປັນຜູ້ປະຕິບັດກົດໝາຍຢູ່ທະເລທີ່ໄກຈາກຕົນຫຼາຍພັນກິໂລແມັດ."
ທ່ານເຟັນຢືນຢັນວ່າ, ນອກຈາກສານອະນຸຍາໂຕຕຸລາການບໍ່ແມ່ນອົງການຈັດຕັ້ງຖາວອນ, ແລ້ວຜູ້ຕັດສິນກໍເປັນພຽງແຕ່ຕົກລົງເປັນການຊົ່ວຄາວອີກແລະການຮັບຟັງຄວາມເວົ້າແຕ່ຝ່າຍດຽວຂອງຟີລິບປີນ, ຈຶ່ງເຮັດໃຫ້ຂະບວນການຕັດສິນດັ່ງກ່າວເຕັມໄປດ້ວຍຄວາມໝາຍການເມືອງ.
 |
