ຖະແຫຼງການຮ່ວມລະບຸວ່າ, ພວກເຮົາໄດ້ເຫັນວ່າການຮັກສາສັນຕິພາບແລະສະຖຽນລະພາບຂອງທະເລຈີນໃຕ້ສອດຄ່ອງກັບຜົນປະໂຫຍດພື້ນຖານຂອງຈີນແລະປະເທດອາຊຽນກໍຄືຂອງປະຊາຄົມໂລກ; ເຊິ່ງ"ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ທີ່ລົງນາມໃນປີ 2002 ມີຄວາມໝາຍດ້ານຫຼັກໝາຍທາງ, ໄດ້ສະແດງໃຫ້ເຫັນຄຳໝັ້ນສັນຍາຂອງບັນດາຝ່າຍທີ່ຮ່ວມກັນຮັກສາສັນຕິພາບແລະສະຖຽນລະພາບ, ເພີ່ມຄວາມໄວ້ເນື້ອເຊື່ອໃຈແລະຄວາມໝັ້ນໃຈກັນໂດຍອີງຕາມ "ກົດບັດຂອງອົງການສະຫະປະຊາຊາດ" ແລະຫຼັກການກົດໝາຍສາກົນເຊິ່ງລວມທັງ "ສົນທິສັນຍາກົດໝາຍວ່າດ້ວຍທະເລຂອງອົງການສະຫະປະຊາຊາດ" ທີ່ລົງນາມໃນປີ 1982; ຖະແຫຼງການເນັ້ນວ່າ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ໄດ້ເສີມຂະຫຍາຍບົດບາດສຳຄັນໃນການຮັກສາສັນຕິພາບແລະສະຖຽນລະພາບຂອງພາກພື້ນ; ທັງໃຫ້ຄຳໝັ້ນສັນຍາຈະປະຕິບັດຕາມ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢ່າງຮອບດ້ານແລະເປັນຜົນ, ພະຍາຍາມຊຸກຍູ້ເພື່ອບັນລຸ "ກົດແຫ່ງການປະພຶດໃນທະເລຈີນໃຕ້" ໂດຍໄວບົນພື້ນຖານປຶກສາຫາລືບັນລຸຄວາມເປັນເອກະພາບກັນ, ໃນໂອກາດຫວນຄືນຖະແຫຼງການຮ່ວມຂອງກອງປະຊຸມສຸດຍອດຈີນ-ອາຊຽນຄັ້ງທີ 15 ທີ່ຈັດຂຶ້ນໃນປີ 2012 ກ່ຽວກັບການລະລຶກ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຄົບຮອບ 10 ປີ, ຂໍອອກຖະແຫຼງການດັ່ງກ່າວລຸ່ມນີ້:
ໜຶ່ງ,ບັນດາຝ່າຍຢ້ຳຄວາມເຄົາລົບທັງໃຫ້ຄຳໝັ້ນສັນຍາກ່ຽວກັບເສລີພາບໃນການເດີນເຮືອແລະບິນຜ່ານທະເລຈີນໃຕ້ທີ່ກຳນົດໂດຍຫຼັກການກົດໝາຍສາກົນຊຶ່ງລວມທັງ "ສັນຍາວ່າດ້ວຍກົດໝາຍທາງທະເລຂອງສະຫະປະຊາຊາດ" ປີ 1982.
ສອງ, ຝ່າຍຕ່າງໆທີ່ກ່ຽວຂ້ອງໄດ້ໃຫ້ຄຳໝັ້ນສັນຍາຈະອີງຕາມຫຼັກການກົດໝາຍສາກົນຮັບການອະນຸມັດໃນທາງສາກົນ ເຊິ່ງລວມທັງ "ສັນຍາວ່າດ້ວຍກົດໝາຍທາງທະເລຂອງສະຫະປະຊາຊາດ" ປີ 1982 ໃຫ້ປະເທດອະທິປະໄຕທີ່ກ່ຽວຂ້ອງໂດຍກົງປຶກສາຫາລືແລະເຈລະຈາຢ່າງມີມິດໄມຕີແກ້ໄຂຄວາມຂັດແຍ້ງກັນດ້ານດິນແດນແລະສິດຄຸ້ມຄອງດ້ວຍສັນຕິວິທີ,ຫາກບໍ່ແມ່ນໃຊ້ກຳລັງອາວຸດຫຼືຂົ່ມຂູ່ໃຊ້ກຳລັງອາວຸດ.
ສາມ,ຝ່າຍຕ່າງໆໄດ້ໃຫ້ຄຳໝັ້ນສັນຍາຈະຮັກສາຄວາມອົດກັ້ນໄວ້,ຈະບໍ່ໃຊ້ການກະທຳທີ່ຈະເຮັດໃຫ້ຄວາມຂັດແຍ້ງກັນສັບສົນຂຶ້ນ,ຂະຫຍາຍເປັນວົງກວ້າງແລະເປັນການກະທົບຕໍ່ສັນຕິພາບແລະສະຖຽນລະພາບ ລວມທັງຈະບໍ່ໃຫ້ມີກໍລະນີການອາໄສຢູ່ເກາະ,ຫີນໂສໂຄກ,ຫາດຊາຍທະເລຫຼືໂຄງປະກອບທຳມະຊາດອື່ນໆທີ່ບໍ່ມີຄົນອາໄສໃນປັດຈຸບັນ ພ້ອມທັງແກ້ໄຂຄວາມຂັດແຍ້ງກັນດ້ວຍວິທີທີ່ສ້າງສັນ.
ສີ່, ຝ່າຍຕ່າງໆສາມາດຄົ້ນຄວ້າປຶກສາຫາລືຫຼືດຳເນີນການຮ່ວມມືໃນຫຼາຍຂົງເຂດເຊັ່ນ: ຄວາມປອດໄພດ້ານການເດີນເຮືອ, ການຄົ້ນຫາແລະຊ່ວຍເຫຼືອ,ການຄົ້ນຄວ້າວິທະຍາສາດທາງທະເລ,ການອະນຸລັກສິ່ງແວດລ້ອມກໍຄືການໂຈມຕີການກໍ່ອາຊະຍາກຳຂ້າມຊາດທາງທະເລເປັນຕົ້ນ.
ຫ້າ,ຝ່າຍຕ່າງໆສົ່ງເສີມໃຫ້ປະເທດອື່ນເຄົາລົບຫຼັກການຂອງຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້.
ຫົກ, ຝ່າຍຕ່າງໆທີ່ກ່ຽວຂ້ອງຢ້ຳຈະສ້າງ "ກົດແຫ່ງການປະພຶດໃນທະເລຈີນໃຕ້"ເພື່ອຊຸກຍູ້ສັນຕິພາບແລະສະຖຽນລະພາບຂອງພາກພື້ນນີ້ຕື່ມອີກ ພ້ອມທັງເຫັນດີບົນພື້ນຖານການປຶກສາຫາລືແລະຄວາມເປັນເອກະພາບຮ່ວມຈາກບັນດາຝ່າຍ ພະຍາຍາມເພື່ອບັນລຸເປົ້າໝາຍດັ່ງກ່າວໃນສຸດທ້າຍ.
