ຕາມຂ່າວ CRI: ວັນທີ 26 ກໍລະກົດນີ້, ທ່ານຈອນ ເຄຣີ ລັດຖະມົນຕີກະຊວງການຕ່າງປະເທດອາເມລິກາເດີນທາງເຖິງຟີບິບປີນ, ເລີ່ມການຢ້ຽມຢາມເປັນເວລາ 2 ວັນແລະດຳເນີນການພົບປະກັນ, ທ່ານ ໂຣດຣິໂກ ດູເຕັກເຕ ປະທານາທິບໍດີປະເທດດັ່ງກ່າວ.
ໃນພິທີຖະແຫຼງຂ່າວພາຍຫຼັງພົບປະ, ທ່ານເຄຣີກ່າວວ່າ, ຖ້າເອົາໃຈໃສ່ແຕ່ລາຍລະອຽດຂອງຜົນການຕັດສິນ, ຈະຫຍຸ້ງຍາກຕໍ່ການເຈລະຈາແລະບໍ່ມີປະສິດທິຜົນຫຍັງ, ແລະການເປັນປໍລະປັກກັນບໍ່ທໍ່ການຊອກຫາວິທີແກ້ໄຂບັນຫາ. ເຊິ່ງປັດຈຸບັນຝ່າຍຕ່າງໆຄວນເບິ່ງໄປຂ້າງໜ້າ.
ຂະນະທີ່ໂຄສົກປະທານາທິບໍດີຟີລິບປີນກໍໄດ້ແຈ້ງສະພາບການພົບປະດັ່ງກ່າວໂດຍເນັ້ນວ່າ, ໃນການພົບປະໄດ້ຍົກຜົນການຕັດສິນຄະດີບັນຫາທະເລຈີນໃຕ້, ແຕ່ບໍ່ສາມາດຕົກລົງກັນໄດ້ຕໍ່ບັນຫາດັ່ງກ່າວ.
ທ່ານເຄຣີແມ່ນເຈົ້າໜ້າທີ່ການທູດຂັ້ນສູງສຸດຂອງອາເມລິກາທີ່ເດີນທາງຢ້ຽມຢາມຟີລິບປີນພາຍຫຼັງທ່ານໂຣດຣິໂກ ດູເຕັກເຕ ເປັນປະທານາທິບໍດີ. ໂດຍເຈົ້າໜ້າທີ່ຂອງຄະນະຜູ້ແທນອາເມລິກາກ່າວວ່າ, ການຢ້ຽມຢາມເທື່ອນີ້ຈະປັບປຸງສາຍພົວພັນປະເທດພັນທະມິດທີ່ມີມູນເຊື້ອລະຫວ່າງອາເມລິກາກັບຟີລິບປີນໃຫ້ໝັ້ນແກ່ນກວ່າເກົ່າ.
 |
