ວັນທີ 28 ກໍລະກົດນີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນໄດ້ເອົາໃຈໃສ່ຕໍ່ການລາຍງານຂອງສື່ມວນຊົນຍີ່ປຸ່ນຈຳນວນໜຶ່ງທີ່ຮຽກຮ້ອງໃຫ້ຈີນຮັບເອົາຜົນການຕັດສິນຂອງສານອະນຸຍາໂຕຕຸລາການຊົ່ວຄາວ, ທັງໄດ້ເອົາໃຈໃສ່ຕໍ່ການສະແດງບາງທ່າທີຂອງລັດຖະບານຍີ່ປຸ່ນຫຼັງກອງປະຊຸມລັດຖະມົນຕີຕ່າງປະເທດຂອງການຮ່ວມມືອາຊີຕາເວັນອອກ.
ທ່ານລູ້ຄ່າງກ່າວວ່າ, ໃນກອງປະຊຸມລັດຖະມົນຕີຕ່າງປະເທດຕ່າງໆຂອງການຮ່ວມມືອາຊີຕາເວັນອອກແລະກອງປະຊຸມທີ່ກ່ຽວຂ້ອງ, ຈີນແລະປະເທດໃນອາຊຽນເປັນເອກະສັນກັນເຫັນດີໃຫ້ບັນຫາທະເລຈີນໃຕ້ກັບຄືນສູ່ເສັ້ນທາງແກ້ໄຂຄວາມຂັດແຍ້ງກັນໂດຍຜ່ານການເຈລະຈາໂດຍໄວ. ຂະນະທີ່ປັດຈຸບັນກໍມີ 80 ກວ່າປະເທດແລະອົງການຈັດຕັ້ງສາກົນແລະພກາພື້ນເຂົ້າໃຈແລະສະໜັບສະໜູນຕໍ່ຫຼັກໝັ້ນຂອງຈີນ, ແຕ່ກົງກັນຂ້າມພັດມີພຽງສອງ ສາມປະເທດເທົ່ານັ້ນທີ່ຍັງອ້າງຜົນການຕັດສິນມີ "ສິດບັງຄັບໃຊ້ທາງກົດໝາຍ"ແລະ "ສອດຄ່ອງກັບກົດໝາຍສາກົນ".
ທ່ານລູ້ຄ່າງກ່າວທວງໃຫ້ຍີ່ປຸ່ນຈົ່ງໃຈເຢັນກ່ຽວກັບບັນຫາທະເລຈີນໃຕ້, ແລະພິຈາລະນາຕົນເອງວ່າເປັນຫຍັງປະເທດຕົນຈຶ່ງກາຍເປັນປະເທດສ່ວນໜ້ອຍ. ແລະຖ້າວ່າຍີ່ປຸ່ນເດີນຕາມເສັ້ນທາງທີ່ຜິດອີກ, ນັບມື້ຈະຜິດຫວັງຫຼາຍຂຶ້ນ, ແລະຈະຖືກໂດດດ່ຽວກວ່າເກົ່າອີກ.
 |
