ເຖິງວ່າຫວ່າງມໍ່ໆມານີ້ໃນສາກົນໄດ້ເກີດເຫດໂຈມຕີແບບກໍ່ການຮ້າຍຢ່າງຕໍ່ເນື່ອງ ແລະມີການລາຍງານຂ່າວກ່ຽວກັບເຫດການຫົວຮຸນແຮງ ເປັນຕົ້ນການປຸ້ນສະດົມ ທີ່ຖືເອົານັກກິລາແລະນັກທ່ອງທ່ຽວຕ່າງປະເທດທີ່ຫາກໍເດີນທາງເຖິງເບຣຊິນເປັນເປົ້າໝາຍນັ້ນເກີດຂຶ້ນຫຼາຍເທື່ອແລ້ວກໍຕາມ, ແຕ່ທ່ານມີແຊນ ເຕເມີ ຮັກສາການແທນປະທານາທິບໍດີເບຣຊິນກໍໄດ້ຢ້ຳຄືນໃນວັນທີ 29 ກໍລະກົດນີ້ວ່າເຕັມໄປດ້ວຍຄວາມໝັ້ນໃຈຕໍ່ການຈັດງານກິລາໂອລິມປິກຣີໂອເດີຊາເນໂລຢ່າງປະສົບຜົນສຳເລັດ.
ທ່ານເຕເມີ ກ່າວວ່າ: ລັດຖະບານເບຣຊິນໃຫ້ຄວາມສຳຄັນໃນລະດັບສູງຕໍ່ເຫດໂຈມຕີກໍ່ການຮ້າຍທີ່ເກີດຂຶ້ນໃນສາກົນເມື່ອບໍ່ດົນຜ່ານມາ ແລະໄດ້ໃຊ້ຫຼາຍມາດຕະການປ້ອງກັນ ເຖິງວ່າເຫດການເຫຼົ່ານີ້ໄດ້ເຮັດໃຫ້ທົ່ວໂລກເປັນຫ່ວງນຳກໍຕາມ, ແຕ່ປະເທດຕົນໄດ້ມີວິທີຮັບມືແລ້ວ.
