ຕາມຂ່າວ CRI: ຕອນບ່າຍວັນທີ 1 ສິງຫານີ້, ກະຊວງອຸດສາຫະກຳແລະການຄ້າສິງກະໂປແລະກະຊວງການຄ້າອາເມລິກາໄດ້ລົງນາມໃນບົດບັນທຶກການຮ່ວມມືວ່າດ້ວຍການກໍ່ສ້າງພື້ນຖານໂຄງລ່າງສະບັບໃໝ່.
ບົດບັນທຶກດັ່ງກ່າວລະບຸວ່າ, ສິງກະໂປແລະອາເມລິກາຈະຮ່ວມກັນສ້າງເວທີຮ່ວມມືໃໝ່ເພື່ອຊຸກຍູ້ວິສາຫະກິດຂອງສອງປະເທດປະຕິບັດໂຄງການຮ່ວມມືວິທະຍາ ສາດເຕັກນິກໃນຕະຫຼາດຝ່າຍທີ 3 ເຊິ່ງມີບັນດາປະເທດໃນອາຊີຕາເວັນອອກສຽງໃຕ້ເປັນຫຼັກ ລວມທັງການວາງແຜນຕົວເມືອງສະມາດສະບັບໃໝ່ແລະສ້າງໂຄງການໃໝ່ໃນຂົງເຂດການຄ້າເອເລັກໂຕຣນິກແລະເຕັກໂນໂລຊີການທະ ນາຄານລະຫວ່າງສອງປະເທດ.
ນັບແຕ່ວັນທີ 31 ກໍລະກົດຜ່ານມາ, ໂດຍຕອບສະໜອງຕາມຄຳເຊີນຂອງທ່ານ ບາຣັກ ໂອບາມາ ປະທານາທິບໍດີອາເມລິກາ, ທ່ານ ຫລີຊຽນລຸງ ນາຍົກລັດຖະມົນຕີສິງກະໂປໄດ້ຢ້ຽມຢາມອາເມລິກາເປັນເວລາ 6 ວັນ. ຂະນະທີ່ປີນີ້ເປັນປີທີ່ສອງປະເທດດັ່ງກ່າວສ້າງຕັ້ງສາຍພົວພັນທາງການທູດຄົບ ຮອບ 50 ປີແລະເປັນເທື່ອທຳອິດທີ່ນາຍົກລັດຖະມົນຕີສິງກະໂປຢ້ຽມຢາມອາເມລິກາຢ່າງເປັນທາງການນັບແຕ່ປີ 1985 ເປັນຕົ້ນມາ.