ວັນທີ 6 ສິງຫານີ້, ສຳນັກງານກຸ່ມບໍລິສັດເກີໂຈ່ວປ້າຈີນຈຳກັດປະຈຳລາວໄດ້ແຈ້ງໃຫ້ຊາບວ່າ: ບໍລິສັດຕົນກັບລັດຖະບານ ສປປ ລາວໄດ້ລົງນາມໃນສັນຍາພັດທະນາໂຄງການເຂື່ອນໄຟຟ້ານ້ຳຕົກເຊລະນອງ 2 ຢູ່ແຂວງສາລະວັນຢ່າງເປັນທາງການໃນວັນທີ 5 ສິງຫານີ້ຢູ່ນະຄອນຫຼວງວຽງຈັນເຊິ່ງເປັນໂຄງການເຂື່ອນໄຟຟ້ານ້ຳຕົກແຫ່ງທຳອິດທີ່ກຸ່ມບໍລິສັດຕົນລົງທຶນຢູ່ລາວ.
ຕາມການອອກແບບ, ໂຄງການເຂື່ອນໄຟຟ້ານ້ຳຕົກເຊລະນອງ 2 ຈະສາມາດຜະລິດໄຟຟ້າ 140 ລ້ານ 7 ແສນກິໂລວັດໂມງຕໍ່ປີໂດຍຈະດຳເນີນການກໍ່ສ້າງ 41 ເດືອນແລະລົງທຶນລວມມູນຄ່າປະມານ 70 ລ້ານໂດລາສະຫະລັດດ້ວຍຮູບແບບ BOT ຄື ການກໍ່ສ້າງ-ການດຳເນີນທຸລະກິດ-ການໂອນ.
ທ່ານບຸນທະວີ ສີສຸພັນທອງ ຮອງລັດຖະມົນຕີກະຊວງແຜນການແລະການລົງທຶນແຫ່ງ ສປປ ລາວຢືນຢັນວ່າ, ໂຄງການດັ່ງກ່າວເປັນເຂື່ອນໄຟຟ້ານ້ຳຕົກໂດຍເນັ້ນການຜະລິດໄຟຟ້າເປັນຕົ້ນຕໍ, ແຕ່ພາຍຫຼັງໂຄງການກໍ່ສ້າງສຳເລັດຍັງຈະຮັບປະກັນການສະໜອງນ້ຳໃຫ້ແກ່ການຜະລິດເຂົ້ານາໃຫ້ປະຊາຊົນສອງຝັ່ງເຊລະນອງ, ຈາກນີ້ຍັງຈະສ້າງຜົນປະໂຫຍດຕໍ່ສັງຄົມທັງສ້າງລາຍຮັບໃຫ້ອົງການປົກຄອງແລະປະຊາຊົນທ້ອງຖິ່ນເປັນຕົ້ນການປ້ອງກັນນ້ຳຖ້ວມ, ພັດທະນາຂະແໜງການທ່ອງທ່ຽວ,ຂະແໜງການປະມົງແລະອື່ນໆ.
 |
