ໃນ 6 ເດືອນຕົ້ນປີນີ້, ຂະແໜງການທ່ອງທ່ຽວຈີນໝູນເດີນຢ່າງໝັ້ນທ່ຽງ, ການບໍລິໂພກແລະການລົງທຶນດ້ານການທ່ອງທ່ຽວພາຍໃນປະເທດດີຂຶ້ນໂດຍລວມ, ໂດຍນັກທ່ອງທ່ຽວຕ່າງປະເທດເຂົ້າມາທ່ຽວປະເທດຈີນໄດ້ບັນລຸການເຕີບໂຕຢ່າງຕໍ່ເນື້ອງໃນ 6 ໄຕມາດ. ຜູ່ຮັບຜິດຊອບທີ່ກ່ຽວຂ້ອງຂອງອົງການທ່ອງທ່ຽວແຫ່ງຊາດຈີນກ່າວວ່າ, ຂະແໜງການທ່ອງທ່ຽວພວມກາຍເປັນ " ກຳລັງອັນແຂງແຮງ " ທີ່ຊຸກຍູ້ເສດຖະກິດໃຫ້ເຕີບໂຕ, ຫັນປ່ຽນຮູບການພັດທະນາຍົກລະດັບ, ການປະກອບອາຊີບແລະບັນລຸການປະດິດສ້າງໃໝ່.
ຕາມການສຳຫຼວດ, ໄຕມາດທີ 3 ປີນີ້, ຄວາມປາຖະໜາທີ່ໄປທ່ອງທ່ຽວຂອງໍຊາວເມືອງແມ່ນ 83,02%, ຫຼາຍກວ່າໄຕມາດທີ 2. ພາຍໃຕ້ການຊຸກຍູ້ຂອງປັດໄຈຕ່າງໆຄືພັກຮຽນຍາມຮ້ອນ, ຍາມພັກວັນຊາດ, ວັນພັກບຸນໄຫວ້ພະຈັນ, ໃນ 6 ເດືອນທ້າຍປີນີ້, ຕະຫຼາດທ່ອງທ່ຽວພາຍໃນປະເທດມີຫວັງຈະຮັກສາການເຕີບໂຕຢ່າງໝັ້ນທ່ຽງ. ຄາດວ່າປີນີ້, ຈຳນວນນັກທ່ອງທ່ຽວພາຍໃນປະເທດຈະບັນລຸເຖິງ 4 ຕື້ 400 ລ້ານເທື່ອຄົນ, ເພີ່ມຂຶ້ນປະມານ 10% ; ຂະນະທີ່ຈຳນວນນັກທ່ອງທ່ຽວເຂົ້າແລະອອກປະເທດຈະເພີ່ມຂຶ້ນປະມານ 4%, ລາຍໄດ້ຈາກການທ່ອງທ່ຽວສາກົນເພີ່ມຂຶ້ນປະມານ 5%.
