ມະຫະກຳກິລາໂອລິມປິກຣີໂອທີ່ກຳລັງແຂ່ງຂັນຢ່າງເຂັ້ມຂຸ້ນນັ້ນໄດ້ສ້າງແຮງບັນດານໃຈໃຫ້ທ່ານAlan Lawrence ຊ່າງຖ່າຍຮູບຢູ່ລັດຢູທາສະຫະລັດອາເມລິກາໂດຍເມື່ອມໍ່ໆມານີ້, ທ່ານໄດ້ໂພສຮູບຖ່າຍລູກທີ່ແສນຮັກຂອງຕົນທີ່ມີອາຍຸ 1 ປີໃນການ "ເຂົ້າຮ່ວມ"ການແຂ່ງຂັນກິລາໂອລິມປິກປະເພດຕ່າງໆໃນສື່ສັງຄົມອ໋ອນລາຍໂດຍໄດ້ຮັບຄວາມນິຍົມແລະກົດໄລຈາກຊາວອິນເຕີເນັດຢ່າງຫຼວງຫຼາຍ.
ໃນໂອກາດໃຫ້ສຳພາດຕໍ່ສື່ມວນຊົນ, ທ່ານAlan Lawrence ບອກວ່າ: ຍາມຍັງນ້ອຍ,ຂ້ອຍບໍ່ສາມາດເບິ່ງໂອລິມປິກເນື່ອງຈາກເງື່ອນໄຂຂອງຄອບຄົວຈຳກັດ. ແຕ່ຕໍ່ມາ, ກໍໂຊກດີທີ່ມີໂອກາດໄດ້ເດີນທາງໄປເບິ່ງກິລາໂອລິມປິກລະດູຮ້ອນ2002ທີ່ຈັດຂຶ້ນຢູ່ເມືອງSalt Lakeລັດຢູທາໂດຍສ້າງຄວາມປະທັບໃຈຢ່າງເລິກເຊິ່ງຈາກຄວາມເຂັ້ມຂຸ້ນຂອງການແຂ່ງຂັນແລະຄວາມກະຕືລືລົ້ນຂອງແຟນກິລາ. ຕົນໄດ້ໂພສຮູບຖ່າຍ PS ກ່ຽວກັບລູກນ້ອຍ "ເຂົ້າຮ່ວມ"ການແຂ່ງຂັນກິລາໂອລິມປິກນັ້ນກໍເພື່ອເຮັດໃຫ້ຄອບຄົວແລະເດັກນ້ອຍທີ່ບໍ່ມີໂອກາດໄປເບິ່ງກິລາໂອລິມປິກນັ້ນຮູ້ລາຍການແຂ່ງຂັນທຸກປະເພດໃນໂອລິມປິກ.